ბედის ირონია, ანუ გაამოთ პოპულარული რუსული ფილმია, რომელიც საბჭოთა ქვეყნების ახალი წლის განუყოფელი ნაწილი იყო. ახლახანს ცნობილი გახდა, რომ ჰოლივუდში ფილმის რიმეიქის გადაღება იგეგმება.

ფილმის ახალ ვერსიას, სახელად About Fate რუსი რეჟისორი მარიუს ვეისბერგი გადაიღებს. მთავარ როლებს ემა რობერტსი და სერიალ Fargo-ს მსახიობი ტომას მანი შეასრულებენ. ფილმში მოქმედება ამერიკაში განვითარდება.

ტომას მანი

ფოტო: Shutterstock

ემა რობერტსი

ფოტო: Salangsang/REX/Shutterstock

ფილმის თავდაპირველი ვერსია 1976 წელს რეჟისორმა ელდარ რიაზანოვმა გადაიღო. ფილმი მთავარ გმირზე, ჟენიაზე მოგვითხრობს, რომელიც სიმთვრალეში შემთხვევით სხვა ქალაქში, უცხო სახლში მოხვდება. მეორე დილას ჟენია აღმოაჩენს, რომ "მისი" სახლი სინამდვილეში მომხიბვლელ ნადიას ეკუთვნის.