ცენტრალურ ამერიკაში, ბელიზის ბარიერული რიფის წყლებში ფლორიდის საერთაშორისო უნივერსიტეტის მეცნიერებმა და ბელიზის თევზჭერის დეპარტამენტის მკვლევარებმა ჩაქუჩა ზვიგენების ახალი ჯიში აღმოაჩინეს.

ახლადაღმოჩენილი სახეობისთვის სახელი ჯერ არ შეურჩევიათ.

ბელიზის ბარიერული რიფი ჩრდილოეთ ნახევარსფეროში ყველაზე დიდია. აქ 1 400-მდე მცენარე და ცხოველი ბინადრობს - მათ შორის, სკაროსები, დელფინები, ზვიგენები, კუები.

ბელიზის ეკონომიკაც ძირითადად რიფთანაა დაკავშირებული. ქვეყნის მოსახლეობის შემოსავლის ძირითადი წყარო ტურიზმი და სხვადასხვა საზღვაო ინდუსტრიაა.