Black Sea Arena-ში ადასტურებენ, რომ ჯგუფი Aerosmith აუცილებლად ჩამოვა და რომ კონცერტი არ გადადებულა.

Aerosmith-ის ოფიციალური ვებ-საიტიდან, ჩამონათვალში გაქრა 20 მაისს დაგეგმილი ტურნე საქართველოში. ამის მიზეზად Black Sea Arena-ში On.ge-ის განუმარტეს, რომ ინფორმაცია უნდა დაკორექტირდეს და მიებას ბმულები, საიდანაც მერე მოხდება ბილეთების გაყიდვა.

მათივე განცხადებით, ბილეთების გაყიდვა ჯერ არ დაწყებულა და სავარაუდოდ, მიმდინარე კვირაში გაიმართება პრესკონფერენცია იმის შესახებ, თუ სად გაიყიდება და რა ეღირება კონცერტზე დადასწრები ბილეთები.

ბლექ სი არენაზე, 2017 წლის 20 მაისს, Aerosmith-ის კონცერტის გამართვა საქართველოს ბიუჯეტს 5 500 000 ლარი დაუჯდება.

კონცერტის გასამართად ხელშეკრულება მიმდინარე წლის 11 იანვარს გაფორმდა. ხელშეკრულების ღირებულება, გადასახადების გარეშე, 1,5 მილიონი ამერიკული დოლარია, რაც მისი გაფორმების მომენტისთვის 4 110 450 ლარი იყო. ამ თანხად აეროსმიტის კონცერტს 90 წუთის განმავლობაში გამართავს.