მეგრელიშვილი: საერთოდ არ მესმის, აქ რა ხდება, მოლაპარაკების სტილი არ მესმის

19 Mar. 2021, 01:36

მე ძალიან არ მომწონს ამ პუნქტების საიდუმლოდ დატოვება, პირდაპირ გეუბნებით. ეს არის ჩემი ერთადერთი პრობლემა, რომლის გამოც ვარ, ფაქტობრივად, შეზღუდული, რომ ვისაუბრო. აზრი არ აქვს, ასე გელაპარაკებით მე დიდი ხანია და ახლაც არის კონსენსუსი, რომ არ ვილაპარაკოთ და მე ამ კონსენსუსის წინააღმდეგ წასვლა არ შემიძლია.

წარმოდგენა არ მაქვს, რატოა კონსენსუსი, მე ვარ პირველად ასეთი ტიპის მოლაპარაკებებზე და შეიძლება იმიტომ ვარ უცხო ამ ტიპის გარემოსთვის. მე არ მესმის საერთოდ აქ რა ხდება, ფიზიკურად არ მესმის, საერთოდ არაფერი არ მესმის, მოლაპარაკების სტილი არ მესმის. მეგონა, რომ მე ვარ არაკომპეტენტური და ეს ხალხი არის ძალიან კომპეტენტური, იმედი მქონდა, რომ საბოლოო ჯამში შედეგი დადგებოდა, მაგრამ როცა დავრწმუნდი, რომ არ დადგა, ახლა ველოდები რაიმე უფლებას, რომ კონკრეტულ საკითხებზე შესაძლებელი იყოს ლაპარაკის დაწყება.

იყო იქ პუნქტები, რომლებიც მომწონდა და მიმაჩნდა, რომ შესაძლებელი იქნებოდა, ეს გამხდარიყო კონსენსუსის თემა, თუ საჯაროდ იქნებოდა განხილული და საჯარო წნეხი იქნებოდა იმ პოლიტიკოსებზე, რომლებიც აგდებულად ეკიდებოდნენ ზოგიერთ პუნქტს. მე მაქვს განსხვავებული მოსაზრება, მაგრამ ამ განსხვავებული მოსაზრების არტიკულირების უფლება მე ჯერ არა მაქვს და არ ვიცი, ეს როგორ წყდება ამ ქვეყანაში. ორივე მხარეს ვგულისხმობ, ვერც ერთისგან ვერაფერი ვერ გავიგე.

ბოლო ამბები:

ვახტანგ მეგრელიშვილი მეგრელიშვილი: საერთოდ არ მესმის, აქ რა ხდება, მოლაპარაკების სტილი არ მესმის

კომენტარები

კვირის ტოპ-5

გირჩევთ

ახლა კითხულობენ

500,000-მდე მონაწილე და 250,000-ლარიანი საპრიზო ფონდი — თიბისის მობაილბანკში საგანძურის მარათონი დასრულდა