1991 წელს გამოსული Nickelodeon-ის ანიმაციური სერიალი, Rugrats, რომელიც 9 სეზონისგან შედგებოდა და 13 წლის განმავლობაში გამოდიოდა — 2021 წელს ეკრანებზე დაბრუნდება. ტომი პიკლსი, ჩაკი ფინისტერი, ანჟელიკა პიკლსი, სიუზი კარმაიკლი და ფილ და ლილ დევილები კიდევ ერთხელ დაიპყრობენ ეკრანებს და მათ ძირითად ნაწილს იგივე მსახიობები გაახმოვანებენ. სერიალი პაწაწინა ბავშვების უსაზღვრო წარმოსახვის და სამყაროს შეცნობის ამბავს მოგვიყვება.

"Rugrats ერთ-ერთი ყველაზე დაფასებული ანიმაციური სერიალია, რომელიც ფანებს ძალიან უყვართ. ვცდილობთ ახალ აუდიტორიას არანაკლებ ღირსეული ვერსია შევთავაზოთ. გამხმოვანებლების იგივე გუნდი სერიალის ხიბლის კიდევ ერთხელ გასაცოცხლებლად უმნიშვნელოვანესია", — განაცხადა რემზი ნაიტომ, Nickelodeon Animation-ის ხელმძღვანელმა.

კომპიუტერული გრაფიკის გამოყენებით შექმნილი სერიალი ძველ ვერსიას დაეფუძნება და პროექტის პროდიუსერები ერიკ კასემირო და კეიტ ბუტიე იქნებიან, აღმასრულებელი პროდიუსერი კი დეივ პრესლერი და კეისი ლეონარდი, რეიჩელ ლიპმანის თანაპროდიუსერობით.

ანიმაციური სერიალის ძველი ვერსიის ინტრო:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…