სოციალურ ქსელში ვრცელდება ვიდეო, რომ თბილისში, კონკრეტულად მელიქიშვილის ქუჩაზე თბილსერვის ჯგუფის თანამშრომლები ტექნიკურ მარილს ხელით ყრიან. ვიდეო Info Georgia • ინფო საქართველომ გაავრცელა და ავტორმა On.ge-ს უთხრა, რომ იგი დაახლოებით 21:00 საათზეა გადაღებული.

თბილსერვის ჯგუფში ამბობენ, რომ ეს მუშაობის ჩვეული პროცესია.

"ასე ხდება. მანქანები ყრიდნენ და შიგადაშიგ ეხმარებოდნენ ბიჭები. არის ადგილები, სადაც მანქანა ფიზიკურად ვერ უდგება და ასეთ ადგილებში ბიჭები ეხმარებოდნენ. ძალიან ნორმალური ამბავია ეს", — უთხრა On.ge-ს თბილსერვის ჯგუფის წარმომადგენელმა.

თბილისის მერიის ინფორმაციით, თბილსერვის ჯგუფმა 25 თებერვლის საღამოს თბილისის ქუჩებსა და დედაქალაქის შემოერთებულ ტერიტორიებზე სულ 200 ტონა ტექნიკური მარილი დაყარა.

დედაქალაქის მერიამ გაავრცელა პროცესის ამსახველი ფოტოები, სადაც ჩანს, როგორ მუშაობს სპეციალური ტექნიკა.

ფოტო: თბილისის მერია

ფოტო: თბილისის მერია