დღეს, 15:00 საათზე, რაგბის ევროპის ჩემპიონატის დასკვნითი შეხვედრა გაიმართება. ბორჯღალოსნები რუსეთის ნაკრებს მიხეილ მესხის სტადიონზე შეერკინებიან. რაგბის კავშირის ცნობით, შეხვედრას, კოვიდპანდემიის გამო, გულშემატკივარი ვერ დაესწრება.

მაყურებელს პირდაპირი ტრანსლაციის ნახვა ტელეკომპანია იმედისა და რაგბი TV-ის ეთერში შეეძლება. საქართველოს საზღვრებს გარეთ კი, მატჩი rugbyeurope.tv-ით გადაიცემა.

ბორჯღალოსნების სამწვრთნელო შტაბმა რუსეთთან გასამართი მატჩისთვის 23-კაციანი შემადგენლობა დაასახელა.