საქართველოს პარლამენტის ვიცე-სპიკერის პოსტზე ოპოზიციის კვოტით პარტია მოქალაქეების ერთ-ერთი ლიდერი, ლევან იოსელიანი აირჩიეს. პლენარულ სხდომაზე აღნიშნულ გადაწყვეტილებას 87 მომხრე და არცერთი წინააღმდეგი ჰყავდა.

"წარმატებები მინდა გისურვოთ, ბატონო ლევან თქვენი ქვეყნის სამსახურში", — განაცხადა პარლამენტის თავმჯდომარემ, არჩილ თალაკვაძემ კენჭისყრის დასრულების შემდეგ.

ოპოზიციისთვის განკუთვნილ ვიცე-სპიკერის კიდევ ერთ პოსტზე პარლამენტმა პატრიოტთა ალიანსის სიით საკანონმდებლო ორგანოში შესული დეპუტატი ავთანდილ ენუქიძე, 2 თებერვალს, აირჩია.

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში — რა ხდება პარლამენტში.