გასულ წელს, მკვლევრებმა 2-წლიანი ანალიზის შემდეგ, იან ვერმეერის ყველაზე ცნობილი ნახატის — გოგო მარგალიტის საყურით შესახებ ჩანაწერები გამოაქვეყნეს.

კვლევამ ნამუშევარზე გამოსახული გოგოს ვინაობა ვერ დაადგინა, მაგრამ აღმოჩნდა, რომ ნახატის ნაცრისფერი ფონი რეალურად მუქი მწვანე ფარდაა, გოგონას წამწამები კი მხოლოდ გამადიდებელი ხელსაწყოს გამოყენების შემთხვევაში ჩანს. ჩატარებული კვლევისას შექმნილი 10-მილიარდპიქსელიანი პანორამის წყალობით, ნამუშევრის ყველა დეტალზე დაკვირვების შესაძლებლობა გვაქვს და ნახატზე გაჩენილი ბზარების დათვლაც კი შეგვიძლია.

ფოტო: National Gallery of Art

ფოტო: National Gallery of Art

პანორამის მომზადება მრავალჯერადი რესტავრაციის, დაზიანებული პიგმენტების შესწავლისა და ვერმეერის ტექნიკის ანალიზის შემდეგ დაიწყო. მიკროსკოპის დახმარებით, სპეციალისტებმა ლენჰარტმა და საბატიემ 9 100 ფოტო გადაიღეს, რომელიც ერთმანეთზე შეაწებეს, რათა მასიური პანორამა შეექმნათ. ერთ პიქსელში 4.4 მიკრონის სიმცირის დეტალებიც კი არის.

Hirox Europe-ის საიტზე ნახატის 2 და 3D ფორმატში ნახვა შეგიძლიათ, ხოლო ტექნიკური დეტალების გასაგებად ვიდეოს უნდა უყუროთ.