როგორც ცნობილია თვითმფრინავის ბიჭებზე შექმნილი რეზო გიგინეიშვილის ფილმის პრემიერა ბერლინის კინოფესტივალზე შედგება.

დღეს კი ინტერნეტში მძევლების პირველი პოსტერი გავრცელდა.

ფოტო: Hostages

მძევლები ქართულ-რუსულ-პოლონური მხარეების ერთობლივი პროდუქციაა. ეს არის პირველი შემთხვევა, როდესაც ფილმი ქართული და პოლონური კინოცენტრების ერთობლივი დაფინანსებით შეიქმნა. აღსანიშნავია ისიც, რომ მძევლების ერთ-ერთი პროდიუსერი ოსკაროსანი ფილმის, იდას მთავარი პროდიუსერი ევა პუშინსკაა.

ფილმი 1983 წელს რეალურად მომხდარ ამბავს ეფუძნება. სიუჟეტი საბჭოთა კავშირში მცხოვრები ახალგაზრდების გარშემო ვითარდება. რეჟისორთან ერთად სცენარზე მწერალმა ლაშა ბუღაძემ იმუშავა.

ფილმში მთავარ როლებს თინა დალაქიშვილი, ირაკლი კვირიკაძე, გიგა დათიაშვილი, გიორგი გრძელიძე, გიორგი ტაბიძე, გიორგი ხურცილავა, ვახტანგ ჩაჩანიძე, ეკატერინე კალატოზიშვილი, დარეჯან ხარშილაძე, მერაბ ნინიძე, ავთანდილ მახარაძე და მიშა გომიაშვილი ასრულებენ.