იაპონელმა არტისტმა ჯუმპეი მიცუი LEGO-ს 21 სერტიფიცირებული პროფესიონალიდან ერთ-ერთია — ეს ნიშნავს, რომ მისი მთავარი სამუშაო პლასტმასის საშენი ბლოკებისგან ხელოვნების ნიმუშები შექმნას.

ცოტა ხნის წინ მან ეს სტატუსი კაცუშიკა ჰოკუსაის კანაგავას დიდი ტალღის ლეგოს ქანდაკების შექმნით გაიმტკიცა. 400-საათიანი შრომის შედეგად მიცუიმ LEGO-ს 50 000 კუბი შეაერთა და შექმნა ტალღა, რომელიც ხელოვნების ორიგინალ ნიმუშს იმეორებს.

ამ საკულტო ნამუშევრის სამ განზომილებაში გადმოსატანად მიცუიმ ტალღების წარმოქმნისა და დაცემის ვიდეოები შეისწავლა და ამ თემაზე აკადემიური ნაშრომებიც წაიკითხა. შემდეგ მან დეტალური მოდელი დახატა, სანამ ააგებდა წყლის ტექსტურას, სამ ნავსა და ფუძიამას მთას.

მიცუის ტალღა ოსაკაში, ჰანკიუს აგურების მუზეუმში, გამოფინეს. ლეგოები თქვენც თუ გიყვართ, შეგიძლიათ, არტისტის ტუტორიალები YouTube-ზე ნახოთ, მის სხვა ნამუშევრებს კი Twitter-სა და Instagram-ზე იხილავთ.

ფოტო: Jumpei Mitsui

ფოტო: Jumpei Mitsui