ქარელში, საცხოვრებელ სახლში 2 ადამიანის სიცოცხლე, სავარაუდოდ, ბუნებრივი აირის გაჟონვამ იმსხვერპლა. შიდა ქართლის საინფორმაციო ცენტრის ცნობით, შემთხვევა ამირეჯიბის ქუჩაზე წუხელ, გვიან ღამით მოხდა.

შინაგან საქმეთა სამინისტროში On.ge-ს უთხრეს, რომ მომხდარზე გამოძიება სისხლის სამართლის კოდექსის 116-ე მუხლის მე-2 ნაწილით დაიწყო, რაც გაუფრთხილებლობით სიცოცხლის მოსპობას გულისხმობს, ჩადენილი ორი ან მეტი პირის მიმართ. ისჯება თავისუფლების აღკვეთით ვადით სამიდან ხუთ წლამდე.