"ყველაზე მაღალი შენობის აგების ორი გზა არსებობს — უბრალოდ ყველაზე მაღალი შენობის აგება და მეორე — მომცრო ნაგებობის აღმართვა და დარჩენილი დროის უფრო მაღალი შენობების ნგრევაზე გაფლანგვა", — გარი ვაინერჩუკისთვის მეორე ხერხი არასდროს ყოფილა მოქმედების გზა. სოციალური მედიის მაგნატი, ინტერნეტ პერსონა თუ ანტრეპრენერი, მისი საქმიანობის აღწერისთვის ხშირად გამოიყენება, თუმცა თავს ანტრეპრენერს უწოდებს. ვაინერჩუკი მართლაც არის ადამიანი, რომელიც ახალ ბიზნესებს უყრის საფუძველს და მათ მცირე დროში ყველაზე მაღალშემოსავლიან ორგანიზაციებად გარდაქმნის, როგორც ამბობს ეს მისი ჰობია.

ყველაფერი 1996 წელს დაიწყო, როდესაც ოჯახური ღვინის ბიზნესისთვის ამერიკაში ერთ-ერთი პირველი ონლაინ მაღაზია შექმნა — winelibrary.com. 3 მილიონიანი ბიზნესის კაპიტალი სულ რაღაც 5 წელში 60 მილიონამდე გაიზარდა.

ყველაზე მაღალი შენობის აგება საქმის სიყვარულმა და თავდაუზოგავმა შრომამ გახადა შესაძლებელი. როგორც თვითონ აღნიშნავს კოლეჯის დამთავრების წამიდან არ ახსოვს მომენტი, როდესაც ოპერაციების სპეციალისტი არ ყოფილა — "მე ვარ ბავშვი, რომელმაც კოლეჯის დამთავრებისთანავე მუშაობა დაიწყო. ღამის 6 საათზე ღვინის ბიბლიოთეკაში შევაბიჯე, 2 საათი ვიმუშავე, სახლში წავედი და სწორედ იმ მომენტიდან ამ წამამდე არასდროს ვყოფილვარ ვინმე სხვა, გარდა უფროსი ოპერაციების სპეციალისტისა".

ღვინის ბიბლიოთეკის აღმასრულებელი დირექტორის პოზიცია აღარ აკმაყოფილებდა, სიახლეს ეძებდა და "როგორც კი 1%-იანი უკმაყოფილება იგრძნო" ცვლილებებისთვის განეწყო. 2006 წელს, იუთუბ ვიდეოების სერია წამოიწყო სახელწოდებით WineLibraryTV, რაც 2005 წელს დაარსებული იუთუბისთვის სიახლე იყო. 5 წლის განმავლობაში თითქმის ყოველდღე ახალ ვიდეოს სთავაზობდა მიმდევრებს.

ერთ-ერთ საჯარო გამოსვლაში გარი ვაინერჩუკი ჯიბიდან ტელეფონს ამოიღებს და ხალხს მიმართავს — ჩვენ რევოლუციის მომსწრენი ვართ. ეს, ჩემო მეგობრებო, სწორედ ეს არის ტელევიზორი”. რევოლუციას სხვებზე უკეთ აუწყო ფეხი და 2009 წელს, ძმასთან ერთად ყველაზე მაღალი ნაგებობის შენება დაიწყო — VaynerMedia ციფრული მომსახურების სააგენტოა, რომელიც დღევანდელი დღის მოთხოვნებს საუკეთესოდ პასუხობს. ორგანიზაციამ რამდენიმე წელში შეძლო 200 მილიონიანი ბრუნვისთვის მიეღწია და 800 თანამშრომლით შემდგარ სარეკლამო გიგანტად ქცეულიყო.

VaynerMedia-ს საქმიანობის სფერო ციფრული რეკლამის ფარგლებს გასცდა და მედია საქმიანობაც მოიცვა — ქალთა ჟურნალი და ცხოვრების სტილის ბრენდი კაცებისთვის.

კაცი, რომელმაც საკუთარი თავისგან ბრენდი შექმნა 5 საუკეთესოდ გაყიდვადი წიგნის ავტორია, რომელთა შორის პირველი — შეძელი! რატომ არის საუკეთესო დრო შენს მისწრაფებაში ფულის დაბანდებისთვის იყო. თვითონ ყოველთვის ამას ცდილობს, საკუთარი მისწრაფებებს ბიზნეს იდეებად გარდაქმნის, ასე შეიქმნა ბიზნეს რჩევების შოუ #ჰკითხეგარივის, რომელიც კითხვა-პასუხის ფორმატის არის. შემდეგი ნაბიჯი DailyVee იყო, ვლოგების სერია, რომელშიც ვაინერჩუკი მიმდევრებს საკუთარ გამოცდილებას უზიარებს და აღმასრულებელი დირექტორის პოზიციიდან საკუთარ ცხოვრებას ჰყვება.

2008 წელს, საჯარო გამოსვლისას ორი საკვანძო სიტყვა გამოყო მოთმინება და ვნება, ორი უმთავრესი ტერმინი, რომელიც ყველაზე მაღალი ნაგებობის საძირკველი შეიძლება გახდეს და ბოლოს ყველაზე მთავარი რჩევა, რომელიც შეუძლებელს შეგაძლებინებთ "შეწყვიტეთ იმის კეთება, რაც გძულთ!"

გარი ვაინერჩუკისთვის კითხვების დასმას თიბისის ბიზნეს ფორუმზე დარეგისტრირებით შეძლებთ. ბიზნეს ფორუმი 19 ნოემბერს 15:00 საათზე დაიწყება და 19:00 საათიდან ვაინერჩუკის კითხვა-პასუხის სესია შედგება.