ფინანსთა მინისტრმა, ივანე მაჭავარიანმა განაცხადა, რომ დეკემბერში შესაძლებელი იქნება ბიუჯეტის დეტალური განხილვა პარლამენტში, სადაც, იმედოვნებს, რომ დაესწრებიან ოპონენტები, "პასუხისმგებლიანი ოპონენტები მაინც".

"ჩვენ გვექნება, პრაქტიკულად, ისეთივე საბიუჯეტო ფილოსოფია, რომელიც იყო 2020 წელს, რაც ნიშნავს, ნაწილობრივ შემსუბუქება-კომპენსაცია, ამავე დროს, ეკონომიკის ფისკალური სტიმულირება", — განაცხადა ივანე მაჭავარიანმა.

მაჭავარიანის თქმით, 2021 წლის ბიუჯეტი იქნება ორმიმართულებიანი — ვირუსით დაზარალებული ადამიანებისა და სფეროების მდგომარეობის შემსუბუქება, ხოლო მეორე იქნება ეკონომიკის სტიმულირება.