როგორც New York Post იუწყება, ჩრდილოეთ კორეის ლიდერმა კიმ ჩენ ინმა ქრისტიან მოქალაქეებს უბრძანა, რომ შობის ნაცვლად მისი ბებიის დაბადების დღე აღენიშნათ.

კიმ ჩენ ინის ბებია 1919 წელს შობის წინა დღეს დაიბადა. ჩენ სუკი პარტიზანი და კომუნისტი აქტივისტი იყო, რომელიც მოგვიანებით ჩრდილოეთ კორეის პირველ დიქტატორზე, კიმ ირ სენზე დაქორწინდა.

ჩენ სუკი

ჩენ სუკი

ფოტო: danismm

ჩენ სუკს სამშობლოში რევოლუციის წმინდა დედად მოიხსენიებენ და მას პატივს საფლავზე მისვლით მიაგებენ.

კიმ ჩენ ინი გრინჩია, რომელმაც შობა მოიპარა - წერს New York Post-ი.

ჩრდილოეთ კორეის ლიდერმა შობის სიძულვილი 2014 წელსაც დააფიქსირა, როცა შეიტყო, რომ სამხრეთ კორეა საზღვართან აპირებდა ნაძვის ხის აღმართვას.

მიუხედავად შობის მიმართ დიქტატორის ზიზღისა, ნაძვის ხეებს მაინც შეხვდებით ზოგიერთ რესტორანსა და მაღაზიაში, ოღონდ შობის მორთულობა რელიგიური სიმბოლოებისგან სრულიად დაცლილია.