ფრანგული კინოს ლეგენდა და კანის კინოფესტივალის პირველი გამარჯვებული მსახიობი მიშელ მორგანი 96 წლის ასაკში გარდაიცვალა.

მიშელი ფრანგული და ამერიკული კინოს ერთ-ერთ წამყვან მსახიობად ითვლებოდა სამი ათწლეულის განმავლობაში და მეოცე საუკუნის ერთ-ერთ ყველაზე დიდ მსახიობად არის მიჩნეული.

მის გარდაცვალებას გამოეხმაურა პრეზიდენტი ფრანსუა ოლანდიც, რომელმაც თქვა, რომ მიშელის ზღვასავით ლურჯი თვალები მაყურებელს ყოველთვის ემახსოვრება, მისი სტილი და თამაშის მანერა კი სამაგალითო იქნება მომდევნო თაობებისთვისაც.

მიშელ მორგანი სხვადასხვა ფილმებში პარტნიორობას უწევდა ისეთ მსახიობებს, როგორებიც არიან: ჟან გაბენი, ჰამფრი ბოგარტი, ფრენკ სინატრა და სხვები.

მორგანი საკუთარ სახლში, ოჯახის გარემოცვაში გარდაიცვალა.