ევროპული საქართველოს ერთ-ერთი ლიდერის, გიგა ბოკერიას თქმით, ქალაქი ფოთი არის სიმბოლო იმისა, თუ როგორ აშენებდა მაშინდელი ქართული საზოგადოება თავისუფალ და ევროპულ მომავალს.

"ფოთი იმის სიმბოლოა, თუ როგორ აშენებდა ნიკო ნიკოლაძე და მაშინდელი ქართული საზოგადოება თავისუფალ და ევროპულ მომავალს. მომავალს, სადაც ყველას აქვს კეთილდღეობის და ბედნიერების შესაძლებლობა. ფოთს დღესაც აქვს ყველაფერი, რათა საქართველოს ერთ-ერთი ყველაზე მდიდარი და ევროპული ქალაქი იყოს. ამისთვის ფოთს სჭირდება ძლიერი ხმა და სწორი პოლიტიკური კომპასი. ჩვენ გვჭირდება გარდამტეხი ცვლილებები ფოთში და მთელს საქართველოში. ჩემთვის ძალიან დიდი პატივი და პასუხისმგებლობაა თქვენი ნდობა და ამ ნდობის გამართლება. ეს ფოტოები ჩემი თხოვნით გადაიღო ალექსანდრე ბაგრატიონ-დავითაშვილმა, მადლობა მას ამისთვის", — აცხადებს გიგა ბოკერია.

ბოკერიამ აღნიშნა, რომ დღეს ფოთს აქვს პოტენციალი, იყოს საქართველოს ერთ-ერთი ყველაზე მდიდარი და ევროპული ქალაქი, ამისათვის კი საჭიროა გარდამტეხი ცვლილებები და სწორი პოლიტიკური კომპასი.