ბელარუსის შინაგან საქმეთა სამინისტროს ვებგვერდი ჰაკერებმა გატეხეს და ალექსანდრ ლუკაშენკო ძებნილად მონიშნეს, იქვე აღნიშნულია, რომ ის უგზო-უკვლოდ დაიკარგა. ინფორმაცია ადგილობრივმა და რუსულმა ოპოზიციურმა მედიებმა გაავრცელეს.

ამ დროისთვის ბელარუსის შსს-ს საიტი გათიშულია.

ფოტო: ფოტო ბელარუსის შსს-ს ვებგვერდიდან / TV Rain

ვებგვერდზე მითითებული იყო, რომ ლუკაშენკო და იური კარაევი ბელარუსი ხალხის წინააღმდეგ სამხედრო დანაშაულებებში არიან ბრალდებული. ლუკაშენკო, ასევე, ხელისუფლების მიტაცებაშია ბრალდებული.

TV Rain-ის ინფორმაციით, რამდენიმე დღის წინ გატეხეს პრეზიდენტის ადმინისტრაციის ვებგვერდიც. როგორც გამოცემა წერს, მთავარ გვერდზე გამოჩნდა თეთრ-წითელი დროშა, რომელიც პროტესტის სიმბოლოა და ადმინისტრაციის უფროსის ფოტო, რომელსაც თავზე რუსი მომღერლის, ვერკა სერდიუჩკას თავსაბურავი ეკეთა.