2017 წლის 22 ნოემბერს ეკრანზე აგატა კრისტის დეტექტივის, მკვლელობა აღმოსავლეთის ექსპრესში კიდევ ერთი ეკრანიზაცია გამოვა, რომელშიც ესპანელი მსახიობი პენელოპე კრუზი მიიღებს მონაწილებას.

კენეტ ბრანას რეჟისორობით გადაღებული ფილმი დღის სინათლეს გაისად იხილავს და 1974 წელს გადაღებული ფილმის რიმეიქი იქნება. პირველ ვერსიაში ვარსკვლავთა მთელმა არმიამ მოიყარა თავი, მათ შორის იყვნენ: ინგრიდ ბერგმანი, ლოურენ ბეკოლი, ვანესა რედგრეივი, შონ კონერი და ჟაკლინ ბისე.

კომპანია 20th Century Fox ფილმის გადაღებას სულ მალე დაიწყებს და სამსახიობო ანსამბლი ამ ვერსიაშიც ვარსკვლავური იქნება: ჯუდი დენჩი, მიშელ ფაიფერი, ჯონი დეპი და კენეტ ბრანა, რომელიც ცნობილი გამომძიებლის, ერკიულ პუაროს როლს შეასრულებს.

ასე რომ, სულ მალე ერთად გავიხსენებთ, ვინ ჩაიდინა მკვლელობა აღმოსავლეთის ექსპრესში.