ლონდონში მცხოვრებმა რუსმა ფოტოგრაფმა ემი ამერიკამ პროტესტის ნიშნად გაშიშვლებული ქალების ფოტოები ფემინისტი მხატვრის, იულია ცვეტკოვას, მხარდასაჭერად გამოაქვეყნა. ცვეტკოვას რუსეთში სასამართლოს წინაშე მოუწევს წარდგენა "პორნოგრაფიული მასალების წარმოებისა" და "ჰომოსექსუალური პროპაგანდის" გავრცელებისთვის მას შემდეგ, რაც მხატვარმა სოციალური მედიის გვერდებზე თავისი ნახატები განათავსა.

ფოტოსესია მოიცავს ქალების 10 ფოტოს, რომლებიც ერთმანეთისგან დამოუკიდებლადაა გადაღებული. ამით ფოტოგრაფი მონაწილეობს ინსტაგრამის ფლეშმობში, რომლის ფარგლებშიც ფემინისტი და LGBTQ აქტივისტები პოსტავენ სექსუალიზებისგან დაცლილ თავიანთ შიშველ ფოტოებს ცვეტკოვას საქმის ცნობადობის გასაზრდელად.

იულია ცვეტკოვა

ფოტო: Yulya Tsvetkova

წარწერა: "ქალებს სხეულზე თმა აქვთ და ეს ნორმალურია"

ფოტო: Yulya Tsvetkova

ცვეტკოვა 2019 წლის ნოემბერში მას შემდეგ დააკავეს და დააჯარიმეს, რაც მან შიშველი ქალების ნახატები ისეთი წარწერებით გამოაქვეყნა, როგორიცაა "ქალებს სხეულზე ცხიმი აქვთ — და ეს ნორმალურია".

წარწერები მარცხნიდან მარჯვნივ:

ქალებს აქვთ სხეულზე თმა — და ეს ნორმალურია;

ქალებს აქვთ მენსტრუაცია — და ეს ნორმალურია;

ქალებს აქვთ სხეულზე ცხიმი — და ეს ნორმალურია;

ქალებს აქვთ ჭაღარები და ნაოჭები — და ეს ნორმალურია;

ქალებს არ აქვთ იდეალური კანი — და ეს ნორმალურია;

ქალებს აქვთ კუნთები — და ეს ნორმალურია;

ფოტო: Yulya Tsvetkova

ამ ნახატის გამო იულიას ე.წ. გეი პროპაგანდის გავრცელებას ედავებიან. ნახატზე წარწერაა: "ოჯახი იქაა, სადაც სიყვარულია. მხარი დაუჭირეთ ლგბტ ოჯახებს".

ფოტო: Yulia Tsvetkova

9 ივნისს ბრალმდებლებმა დაადასტურეს, რომ ცვეტკოვა სასამართლოში წარდგებოდა სამართალდარღვევისთვის, რასაც ხალხის მხრიდან აღშფოთება და პროტესტი მოყვა. თუკი მხატვარს დამნაშავედ ცნობენ, მას 6-წლიანი პატიმრობა ემუქრება.

"მინდოდა, დავხმარებოდი მათ, ვისაც [ფლეშმობში] მონაწილეობა უნდოდა, მაგრამ არ იცოდნენ, როგორ [გადაეღოთ თავიანთი ფოტო], ან მათთვის უხერხული იყო საკუთარი თავის გადაღება. ამიტომ დავპოსტე სთორი, რომელშიც ვამბობდი, რომ გავაკეთებდი დამოუკიდებელ ფოტოსესიებს ნებისმიერისთვის, ვისაც სურდა იულია ცვეტკოვას მხარდაჭერა", — განუცხადა ემი ამერიკამ The Calvert Journal-ს.

"როგორც მხატვრები, ქალები და ადამიანები — ჩვენ უნდა გავერთიანდეთ. ის, რაც ახლა რუსეთში ხდება, დამთრგუნველია. ახალ-ახალ სასამართლო საქმეებში ისინი აპატიმრებენ ახალგაზრდა აქტივისტებს, რათა დაგვაფრთხონ და შეგვაშინონ. ასეთ დროს ყველაზე ძლიერმოქმედი გაერთიანება და ერთად დგომაა", — დაამატა ფოტოგრაფმა.

ფოტო: Emmie America

ფოტო: Emmie America

ფოტო: Emmie America

ფოტო: Emmie America