საქართველოს ბანკი, როგორც ბიზნესის მხარდამჭერი ბანკი ღვინისა და ალკოჰოლური სასმელების ინდუსტრიის წახალისებას აგრძელებს. ამჯერად ბანკისა და შპს Bolero & Company-ს პარტნიორობის შედეგად, ღვინის საწარმო ხაზების გაფართოებასა და წარმოებისათვის მნიშვნელოვანი დანადგარების შესაძენად 18 მლნ ლარის ინვესტიცია განხორციელდა. ინვესტიცია კომპანიას სამომავლო განვითარების, წარმოების, ზრდის და ახალი სამუშაო ადგილების შექმნის ახალ შესაძლებლობას იძლევა.

"გვიხარია, რომ პარტნიორობა შპს Bolero & Company-სთან გრძელდება. კომპანია 2012 წელს დაარსდა და საქართველოში ღვინისა და საკონიაკე სპირტების ექსპორტის სფეროში დღესდღეობით ლიდერ პოზიციას იკავებს. შპს Bolero & Company კახეთში საკუთარ ვენახებს კახეთში ფლობს. ექსპორტს კი აწარმოებს შემდეგ ქვეყნებში: რუსეთი, ყაზახეთი, ჩინეთი, უკრაინა", — ამბობს საქართველოს ბანკის კორპორაციული მიმართულების ხელმძღვანელი, ზურაბ ქოქოსაძე. 2015 წელს კომპანია გაფართოვდა, ახალი ტექნოლოგიებით აღიჭურვა და გააუმჯობესა წარმოება. კომპანიის მენეჯმენტმა საწარმოს განვითარების მიზნით, დამატებითი ინვესიტიციები გაიღო.

"მიგვაჩნია, რომ კომპანია რომელიც ამდენი წელია ბაზარზე წარმატებით ოპერირებს, კიდევ უფრო მეტად მომგებიანი იქნება და წარმოების ზრდითა თუ ახალი სამუშაო ადგილების შექმნით საკუთარ წვლილს შეიტანს ქვეყნის ეკონომიკის განვითარებაში".

ინფორმაციისთვის, 2015 წელს შპს Bolero & Company-მ სახელმწიფოსგან გრუზვინპრომის ქარხანა შეისყიდა, რომელიც 1929 დაარსდა. ის წარმოადგენდა ცენტრალურ ქარხანას, რომელიც დამატებით 10 საწარმოს აერთიანებდა და კახეთის რეგიონში ყურძნის მიღებას უწევდა კოორდინაციას.

გრუზვინპრომში აღდგენილი იქნა ერთ-ერთი უძველესი და საქართველოში ყველაზე დიდი მოცულობის ღვინის მარანი, რომელიც 224 ქვევრისაგან შედგება. თითოეულის მოცულობა 2500-4000 ლიტრია. უშუალოდ ქვევრები, მარნის დაარსებამდე ბევრად ადრე გაკეთდა.

აღსანიშნავია, რომ ახალ მარნებში ქვევრების საერთო რაოდენობა ახლაც იზრდება. გრუზვინპრომში 2 ჰექტარზე მეტ ფართობზე, -1 და -2 დონეზე აღდგა საბრენდე სპირტის საძველო მიწისქვეშა საცავები. ამჟამად კომპანიის საკუთრებაში დაახლოებით 15 000 მუხის კასრია და მათი რაოდენობა მუდმივად იზრდება. საფუძველი ჩაეყარა საქართველოში (და არა მხოლოდ) ყველაზე მოცულობით სპირტის რეზერვების ბანკს.

კომპანიის მიერ წარმოებული საბრენდე სპირტის დიდი ნაწილის რეალიზაცია ხდება საფრანგეთის და ესპანეთის ბაზარზე, (რაც ადრე საერთოდ არ ხდებოდა) და ამ ფაქტმა საქართველოს მსოფლიოში ადგილი დაუმკვიდრა, როგორც საბრენდე სპირტის მწარმოებელ, მეღვინეობის თანამედროვე კულტურის მქონე ქვეყანას. რაც სასიკეთოდ აისახება ქართული ღვინის იმიჯსა და მარკეტინგულ პოტენციალზე.

შპს Bolero & Company შპს გრუზვინპრომის გარდა, ოპერირებას უწევეს შპს კ და ქართულ სპირტს. კომპანია საქმიანობას ფოთის თავისუფალ ინდუსტრიულ ეწევა ზონაში და სარგებლობს სპირტების წარმოების ექსკლუზიური უფლებით. კომპანია ოპერირებას უწევს შპს უნივერსალ სპირიტსაც, რომელიც შპს კ და ქართული ადგილობრივ ბაზარზე სპირტის მთავარი მიმწოდებელია.

კომპანიის ყველაზე ცნობილი სავაჭრო ნიშნებია - დავით ივერიელი, ბეთანელი, დიასი, ბერიკონი, ტალავარი, იორელი მირონი და სხვა. Bolero & Company ასევე აწარმოებს ადგილწარმოშობის დასახელების ღვინოებს, როგორიცაა წინანდალი, ქინძმარაული, მუკუზანი. ასევე შემდეგი ბრენდის სასმელებს- არაგვი, ვარციხე, გრემი.