ნახევარფაბრიკატების ტიპის საკვებს ბევრი მიირთმევს — უყვართ, ეგემრიელებათ, ხიბლავთ მისი მომზადების სიმარტივე. საერთო ჯამში, ნახევარფაბრიკატები დიდი პოპულარობით სარგებლობს საქართველოში და, ზოგადად, მსოფლიოში. თუმცა, ყოველთვის არსებობს აზრთა სხვადასხვაობა ასეთი პროდუქტის სიჯანსაღესთან დაკავშირებით. მომხმარებლის უნდობლობის მთავარი საგანი კი, უმეტესად, ამ ტიპის საკვებში შემავალი ინგრედიენტებია.

ფოტო: საბუე

ნახევარფაბრიკატების მწარმოებელი კომპანია საბუეს დაარსება ბევრმა ფაქტორმა განაპირობა. პირველი და უმთავრესი კი იყო გემრიელი და ჯანსაღი საკვების სიყვარული. მიუხედავად იმისა, რომ ქართული ბაზარი გაჯერებულია მსგავსი პროდუქტით, რთული იყო გამორჩეული გემოს პოვნა, რომელიც განსაკუთრებით მოხიბლავდა და თავს დაამახსოვრებდა მომხმარებელს. ამიტომ, რამდენიმე მეგობარს, ერთი ჩვეულებრივი შეხვედრის დროს, გაუჩნდა არაჩვეულებრივი იდეა — თავად ეზრუნათ დაუვიწყარი გემოსა და უმაღლესი ხარისხის პროდუქტის შექმნაზე.

2019 წლის 1 ივნისს საბუემ მომხმარებელს პირველად წარუდგინა პროდუქტი, რომელიც მზადდება სათუთად შერჩეული, ახალი, გაუყინავი ხორცით, უმაღლესი ხარისხის სულგუნით და, ზოგადად, ჯანსაღი ინგრედიენტებით.

ფოტო: საბუე

"ჩვენ ვაპირებთ, სრულიად შევცვალოთ წარმოდგენა ნახევარფაბრიკატებზე და შევქმნათ პროდუქტი, რომელიც აუცილებლად გაგახსენებთ მონატრებულ გემოს", — აცხადებენ კომპანიაში და მომხმარებელს ჰპირდებიან რომ მათი პროდუქტი ყოველთვის იქნება:

  • ნატურალური;
  • ჯანსაღი;
  • სუფთა;
  • ნამდვილი;
  • გემრიელი.

"ჩვენ სიყვარულით ვამზადებთ თქვენთვის და ვიცით, რომ თქვენი და თქვენი პატარების სიყვარულსაც დავიმსახურებთ! დიახ, ჩვენს პროდუქტს დედებისა და ბებიების კერძების გემო აქვს, რადგან ვამზადებთ გულით, ვამზადებთ ზრუნვით, ვამზადებთ გემრიელად!" — ეს გახლავთ საბუელების დაპირება მომხმარებლის მიმართ, რომელსაც ერთი წელია, ერთგულად ემსახურებიან.

სტატია განთავსებულია მცირე ბიზნესების ხელშეწყობის ინიციატივის ფარგლებში, რომელიც On.ge-მ კორონავირუსის შედეგად დაზარალებული მცირე და საშუალო კომპანიების, გართობის ინდუსტრიის წარმომადგენლების, ქართული სტარტაპების ბაზარზე ღირსეულად დაბრუნების მიზნით წამოიწყო. ინიციატივის შესახებ გაიგეთ მეტი ამ სტატიიდან.