ევროპული საქართველოს ლიდერმა, გიგა ბოკერიამ პრემიერს მიმართა და ჰკითხა, რა იყო მათი მსოფლმხედველობა, როცა ყვავილების გამყიდველს აჯარიმებენ და "რელიგიურ ფანატიკოსს" იგივეს ვერ უბედავენ.

"დიდგულზე იმათთან ხართ ვინც ცივილიზებულად გელაპარაკებათ ხო?! ყვავილების გამყიდველს აჯარიმებთ, გვერდით რელიგიურ ფანატიკოსს ვერ უბედავთ ეგრეა ხომ თქვენი მსოფლმხედველობა?! მარტო თქვენ რომ გამცირებდეთ ეგ კიდევ არ იქნება პრობლემა, ქვეყნის კანონებს, სამოქალაქო წესრიგს ვინც ფეხებზე იკიდებს, კონსტიტუცია მკიდია და თქვენი მთავრობაო, იმასთან უნდა დაწვეთ ხო?!" — თქვა გიგა ბოკერიამ.

გიგა ბოკერიამ პრემიერს ურჩია ტონი შეიცვალოს და ევროპული საქართველოს ინტერპეტაციაზე ნაკლები სისულელე ილაპარაკოს.

წლევანდელ ბზობის დღესასწაულზე 73 წლის მიშა ბაბუა ტიტების გაყიდვისთვის 3 000 ლარით დააჯარიმეს. კაცი ყვებოდა, რომ წამლის ფულის შესაგროვებლად ეკლესიასთან ტიტების გასაყიდად მივიდა, რის გამოც პოლიციამ დააჯარიმა. მოგვიანებით მოქალაქეებმა კაცს თანხა შეუგროვეს და გადასცეს.

ბზობაზე და არა მარტო ბზობის დღესასწაულზე, საქართველოს ეკლესიებში ათეულობით ადამიანი იყო შეკრებილი, თუმცა საგანგებო მდგომარეობის წესების დარღვევის მიუხედავად, ისინი არცერთ შემთხვევაში არ დაუჯარიმებიათ.