42 წლის წინ საშინელებათა ჟანრის მსოფლიოში ცნობილმა მწერალმა სტივენ კინგმა გამოაქვეყნა რომანი The Stand, რომელიც ვირუსის გავრცელების შედეგად კაცობრიობის დიდი ნაწილის განადგურების შესახებ მოგვითხრობს.

მალე სტიმინგ სერვისი CBS All Access სწორედ ამ საყოველთაოდ აღიარებული ნაწარმოების მიხედვით ახალ სერიალს შემოგვთავაზებს, რომლის პირველი ფოტოები სულ ცოტა ხნის წინ გავრცელდა.

ფოტო: ROBERT FALCONER / CBS

1978 წელს გამოქვეყნებული რომანი The Stand აპოკალიფსურ ისტორიაზე მოგვითხრობს, რომელშიც ადამიანის მიერ შექმნილმა ვირუსმა მსოფლფიო მოსახლეობის 99% გაანადგურა, დანარჩენი უმცირესობა კი გადარჩენისთვის იბრძვის.

ფოტო: ROBERT FALCONER / CBS

სწორედ ამ სიუჟეტის მიხედვით გადაღებულ ახალ სერიალში ისეთი ცნობილი მსახიობები თამაშობენ, როგორებიც არიან X-Men-ისა და Westworld-ის ვარსკვლავი ჯეიმს მარსდენი, Aquaman-ის მსახიობი ამბერ ჰერდი, Big Little Lies-ის ცნობილი სახე ალექსანდრ სკარსგარდი და ლეგენდარული ვუპი გოლდბერგი.

ფოტო: ROBERT FALCONER / CBS

სერიალის ერთ-ერთმა შემქმნელმა, ტეილორ ელმორმა ერთ-ერთ ყველაზე მნიშვნელოვან პერსონაჟ რენდალ ფლეგზე ისაუბრა, რომლის როლსაც ალექსანდრ სკარსგარდი ასრულებს:

"ის შარმიანი, მომხიბვლელი და ძალიან ძლიერია: თავისი ზებუნებრივი ძალებით ნამდვილი საოცრებების მოხდენა შეუძლია".

ფოტო: ROBERT FALCONER / CBS

სერიალის რეჟისორი ჯოშ ბუნია, რომელსაც აქამდე გადაღებული აქვს ცნობილი რომანის ეკრანიზაცია The Fault in Our Stars და წელს მაყურებლები ასევე ელოდებიან მისი რეჟისორობით X-Men-ის ახალი ფილმის The New Mutants-ის ხილვას.

ფოტო: ROBERT FALCONER / CBS

სტივენ კინგის წიგნის მიხედვით ამავე სახელწოდების სერიალი 1994 წელსაც გადაიღეს, რომელშიც მთავარ როლებს გერი სინიზი და მოლი რინგუოლდი ასრულებენ. ეს სატელევიზიო შოუ მინისერიალი იყო da სულ ოთხი ეპიზოდისგან შედგებოდა, ახალი ეკრანიზაციის პირველ სეზონში კი ცხრა სერიას ვიხილავთ.

ფოტო: ROBERT FALCONER / CBS

ჯერჯერობით უცნობია ზუსტი თარიღი, თუ როდის შედგება სერიალის პრემიერა, მაგრამ ვიცით, რომ მაყურებლები ახალი შოუს ხილვას წლის ბოლომდე შეძლებენ.

ფოტო: ROBERT FALCONER / CBS