ტომ კრუზი აქამდე რა სირთულის მისიის შესრულებისას არ გვინახავს: მანქანებით რბოლაში, თვითმფრინავით ავარიულად დაშვებისას თუ წყალქვეშ ცურვისას, მაგრამ მან გადაწყვიტა ყველაზე ოპტიმისტურად განწყობილი ერთგული ფანებიც კი გააოცოს და შემდეგი როლი კოსმოსში შეასრულოს.

უცხოურ მედიაში გავრცელებული ინფორმაციის თანახმად, ტომ კრუზი ილონ მასკის კომპანია SpaceX-თან თანამშრომლობს, რათა კოსმოსში გადაღებული პირველი სრულმეტრაჟიანი მხატვრული ფილმი შექმნან.

ეს პირველი კინოპროექტი არ იქნება, რომელთანაც კავშირი მსოფლიოში ცნობილ ინჟინერსა და ფილანთროპ ილონ მასკს ექნება: ის იყო აღმასრულებელი პროდიუსერი 2005 წელს გამოსული ფილმისა Thank You for Smoking; 2018 წელს კი მისი კომპანიის შესახებ დოკუმენტური ფილმი Mars: Inside SpaceX გადაიღეს.

ბევრისთვის ცნობილია, რომ ტომ კრუზს გადასაღებ მოედანზე დაბრკოლებები არ აშინებს: ხშირად კასკადიორების ნაცვლად თავად ასრულებს სხვადასხვა სირთულის ტრიუკებს. ამის გამო 2017 წელს Mission Impossible-ის მეექვსე ნაწილის გადაღების დროს ფეხი დაიზიანა კიდეც. თუმცა, როგორც ჩანს, მას ახალი გამოწვევები სულაც არ აბრკოლებს და კიდევ უფრო მეტი სირთულის მიზნები დაისახა მომავლისთვის.

წელს ტომ კრუზის ახალი ფილმის Top Gun: Maverick-ის პრემიერაა დაგეგმილი. 57 წლის მსახიობი ასევე ცნობილი ფრენჩაიზის შეუსრულებელი მისიის მეშვიდე ნაწილშიც იღებდა მონაწილეობას, თუმცა ფილმის გადაღებები კორონავირუსისი გავრცელების გამო გადაიდო.