მარტის ბოლოს, გაუპატიურებისთვის მსჯავრდებულ ჰარვი ვაინშტაინს კორონავირუსის დიაგნოზი დაუსვეს, თუმცა ახალი ინფორმაციით, ის დაავადებას გადაურჩა და 14-დღიანი კარანტინიც დატოვა.

ყოფილი პროდიუსერის წარმომადგენლის სიტყვებით, ვაინშტაინი სამედიცინო იზოლაციიდან გაუშვეს და თავს კარგად გრძნობს. უცნობია, რა სიმპტომები ჰქონდა 68 წლის მსჯავრდებულს.

ვაინშტაინის კონსულტანტის სიტყვებით, ის პირადი სივრცის ხელშეუხებლობას იმსახურებს და ამიტომ, მის ჯანმრთელობის მდგომარეობაზე საჯაროდ ვერ ისაუბრებს.

ოსკაროსანი ვაინშტაინი 11 მარტს სექსუალურ ძალადობასა და გაუპატიურებაში ცნეს დამნაშავედ და 23-წლიან სასჯელს ნიუ-იორკის შტატში მდებარე ციხეში იხდის.