მთელ მსოფლიოში კორონავირუსის გავრცელების გამო საყოველთაო იზოლაციის მოწოდების შემდეგ, უფრო და უფრო მეტი ცნობილი ადამიანი ცდილობს, რომ თვითიზოლაციაში მყოფმაც მოახერხოს ყველას გახალისება.

მათ შორის გამონაკლისი არც მსახიობი ჯონ კრასინსკია, რომელმაც გადაწყვიტა YouTube-ზე ახალი შოუ დაეწყო — Some Good News (კარგი ამბები). მსახიობის მიზანია, რომ კარგი სიახლეებით ადამიანები პოზიტიურად განაწყოს.

აღსანიშნავია, რომ მისი "საშინაო" გადაცემის ლოგოს შექმნაზე მისმა შვილებმა იმუშავეს.

ფოტო: YouTube

ჯონ კრასინსკის ამ განსაკუთრებული გადაცემის პირველი სტუმარი კი არც მეტი, არც ნაკლები, სტივ კარელი იყო და მათ ერთად საკულტო სიტკომი ოფისი გახისნეს, რომლის გამოსვლიდანაც ზუსტად 15 წელი გავიდა.

"23 წლის ვიყავი და ოფიციანტად ვმუშაობდი, როცა ამ შოუში როლი მივიღე. პირველი ეპიზოდის ჩაწერის შემდეგ კვლავ ოფიციანტობას ვაგრძელებდი, რადგან დარწმუნებული ვიყავი, რომ არაფერი შეიცვლებოდა. ყველას მსგავსი განცდა გვქონდა მაშინ, რადგან მანამდე ამ მხრივ რამე მნიშვნელოვანის გაკეთება ჯერ არ მოგვესწრო", — იხსენებს ჯონ კრასინსკი თავის გამოცდილებას.

"საოცარია, რომ ამდენი წლის შემდეგ ადამიანები კვლავ უყურებენ ამ სიტკომს", — ამბობს სტივ კარელი ვიდეოში.

მსახიობმა გაიხსენეს მათი ფავორიტი ეპიზოდები და შოუს გაგრძელების ალბათობაც განიხილეს, თუმცა, როგორც აღმოჩნდა, ამჯერად მათი სურვილი უფრო ისაა, რომ კარანტინის პერიოდი მალე დასრულდეს და ერთმანეთის ნახვა შეძლონ:

"ვიცი, რომ ყველა შოუს გაგრძელებაზე საუბრობს. მე კი ვიმედოვნებ, რომ ერთ დღეს ერთმანეთთან შეხვედრა და მისალმება კვლავ შეგვეძლება", — ამბობს კრასინსკი.

თუ მსახიობის ამ წამოწყებით იხალისეთ, მიადევნეთ თვალი მის YouTube არხს, ვინ იცის, წინ კიდევ რა სიურპრიზებს გვიმზადებს.