საგანგებო მდგომარეობის პირობებში თბილისის ქუჩაში მცხოვრებ მიკედლებულ ცხოველებს საკვებს მიუტანენ. კორონავირუსის გავრცელების პრევენციისთვის დაკეტილია მაღაზიების ნაწილი. სწორედ ამიტომ, მაღაზია ზუმარტმა ქალაქის მერიას ქუჩაში ცხოველებისთვის ხუთი ტონა საკვები შესთავაზა და სთხოვა ორგანიზება თავად გაუწიონ მათ გამოკვებას.

თბილისის მერიაში On.ge-ს უთხრეს, რომ აუცილებლად გამოიყენებენ ამ შემოთავაზებას და ორგანიზებას გაუკეთებენ დარიგების პროცესს. მათივე ცნობით, უკვე შედგა კომუნიკაცია მერიასა და ზუმარტს შორის.

შესაბამისი განცხადება ზუმარტმა ფეისბუქგვერდზე გაავრცელა. მათი თქმით, კვების ობიექტების დროებით დაკეტვის გამო ქუჩაში მათთან მიკედლებული უამრავი ცხოველი დარჩა საკვების გარეშე.