ყველას უნდა, რომ საკუთარი ქორწილი რაც შეიძლება დიდხანს და კარგად ახსოვდეს, თუმცა, შესაძლოა, სმოკინგში გამოწყობილი ლამას დანახვა ბევრს გაუხარდეს.

ეს გენიალური იდეა ოჰაიოელ მენდელ ვაინსტოკს 5 წლის წინ მოუვიდა, როდესაც თავის დას ქორწილში ლამას მიყვანით დაემუქრა. მართალია იდეა თავიდან მხოლოდ ხუმრობა იყო, მაგრამ საბოლოოდ გადაწყვიტა, რომ დაპირება აესრულებინა.

მენდელმა თავდაპირველად ფოტო reddit-ზე დადო, სადაც ელეგანტურად გამოწყობილ და-ძმას გვერდს სმოკინგში გამოწყობილი ამაყი ცხოველი უმშვენებს. პოსტი ვირუსულად გავრცელდა და 156 000 მოწონება დააგროვა. მომხმარებლების უმეტესობა იდეით აღფრთოვანებული დარჩა.

ფოტო: new_image_photography

მენდელმა Insider-თან ინტერვიუში ყველაფერი ახსნა:

"ჩემმა დამ ქორწილზე საუბარი ჯერ კიდევ მაშინ დაიწყო, როდესაც არავის ხვდებოდა. სწორედ ამიტომ ვუთხარი, რომ თუ ქორწილში დასწრებას მაიძულებდა, ლამასთან ერთად გამოვცხადდებოდი. "კარგი, ლამაც დაპატიჟებულიაო" ისე მითხრა, რომ შედეგებზე აშკარად არ დაფიქრებულა".

ფოტო: Mendl Weinstock

იმავე ინტერვიუში, პატარძალი რივა ხსნის, რომ ძმას ეს იდეა დიდი ხნის წინ გაუჯდა თავში:

"თავის დაპირებას კვირაში ორჯერ მაინც მახსენებდა. ყველანაირად ვეცადე, რომ გადაეფიქრებინა, მაგრამ კი ხედავთ როგორ დამიჯერა. როცა ნიშნობის შესახებ ვუთხარი, ეგრევე მომწერა რომ ახლა ლამების ფერმაში მიდიოდა ცხოველის სანახავად. ერთი საათის შემდეგ "მახარა", რომ ლამა უპრობლემოდ მიაქირავეს".

ინსტაგრამზე, შეგიძლია პატარძლის პირველი რეაქციები ნახო: "ვერ გიტან!" — ამბობს ის სიცილით ლამას და კმაყოფილი ძმის დანახვისას.

როდესაც პატარძალმა ლამა დაინახა, სახეზე ეტყობოდა, რომ ცოტაც და ძმას საკუთარი ხელით მოკლავდა. თუმცა საყვარელ ცხოველს მისთვის ქორწილის დღე ნამდვილად არ ჩაუშხამებია, პირიქით, ასჯერ უფრო გამორჩეული გახადა.