ელენ დეჯენერესმა გადაწყვიტა, რომ კორონავირუსს თავისი ძალებით შეუტიოს და ამაში თავისი შესაძლებლობები გამოიყენოს. ამერიკის სუპერპოპულარულმა ტელეწამყვანმა ჯანდაცვის მსოფლიო ორგანიზაციის რეკომენდაციები გაიხსენა და გადაცემაში მაყურებელს ასწავლა, როგორ დაიბანონ ხელები სწორად.

როგორც იცით, ხელების ხშირი დაბანა ჰიგიენის ის ნაწილია, რომელიც WHO-ს რეკომენდაციით კორონავირუსით დაავადების რისკს ამცირებს. ელენმა დემონსტრაციულად გაიმეორა ყველა ის ნაბიჯი, რომელიც ხელების დაბანის დროს უნდა გავითვალისწინოთ.

WHO-ს რჩევები ასეთია:

  1. დაისველე ხელები, შემდეგ დაისხი იმდენი სითხე ხელებზე, რამდენიც კარგად აქაფებისთვისაა საჭირო;
  2. მიაახლოვეთ ხელის გულები და ისინი ერთმანეთს მოუსვით;
  3. შემდეგ მტევნის გარეთა ნაწილები მოუსვით ერთმანეთს;
  4. თითები ერთმანეთში გადააჯვარედინეთ და შემდეგ შიგნითა ნაწილებიც აიქაფეთ;
  5. მოხარეთ თითები;
  6. გაისუფთავეთ ცერა თითები;
  7. მტევნები თითებით გაისუფთავეთ.

ხელები 20 წამის განმავლობაში უნდა დაიბანოთ, ეს დაახლოებით იგივე დროა, რაც Happy Birthday-ის ორჯერ სიმღერა, ასე რომ, პროცესში შეგიძლიათ იღიღინოთ ან სიმღერა ჩართოთ.

"ასე სუფთად თავი არასდროს მიგრძვნია", — იხუმრა ელენმა პროცედურის დასრულების შემდეგ.

ამავე თემაზე: