მსოფლიოს წყალბადზე მომუშავე პირველი მატარებელი, რომელიც 100 პროცენტით ეკოლოგიურად სუფთა იქნება, გერმანიაში 2017 წლიდან იმოძრავებს. ამის შესახებ CNN ავრცელებს ინფორმაციას.

ახალი, წყალბადის მატარებლები 2017 წლის დეკემბრისთვის, ჩრდილოეთ გერმანიაში, საქსონიის მიწაზე დაიწყებს მგზარების გადაყვანას. პირველ ჯერზე, მატარებლები მოკლე 96კმ-იან მარშრუტს გაივლიან. გერმანიის ოთხმა მიწამ, მატარებლების შესაძენად ფრანგულ კომპანიასთან, ალსტომთან შეთანხმებას ხელი უკვე მოაწერეს.

CNN-ის ინფორმაციით, ახალი, ჩუმი მატარებელი მხოლოდ ორთქლსა და გამოხდილ წყალს გამოყოფს, თუმცა არ არის განკუთვნილი ელექტრო სარკინიგზო ხაზებისთვის, იგი შექმნილია იმისათვის, რომ დიდი რაოდენობით დიზელზე მომუშავე მატარებლებისთვის, არსებობდეს სუფთა ალტერნატივა.

მატარებელს სჭირდება იგივე აჭღურვილობა რაც დიზელზე მომუშავეს, იმ განსხვავებით რომ იგი მუშაობს სრულიად ახალი ტექნოლოგიით შექმნილ საწვავზე, რისთვისაც საჭიროა წყალბადი.

კომპანიის წარმოადგენლების განცხადებით, მატარებელს შეუძლია 800კმ გაიაროს და 300-მდე მგზავრი გადაიყვანოს წყალბადით სავსე ავზით, რაც ერთი დღისთვის სრულიად საკმარისია.