რთულია, სამყაროში ვინმეს არ ახსოვდეს დენიელ რედკლიფი — ბიჭი, რომელიც გადარჩა. უფრო სწორად, მსახიობი, რომელმაც ყველა დროის ერთ-ერთ ყველაზე ცნობილ ფილმების სერიაში ჰარი პოტერის როლი შეასრულა და მილიონობით მაყურებელს სამუდამოდ შეაყვარა თავი.

რაც არ უნდა გასაკვირი იყოს, ჰარი პოტერის შემდეგ ამ ბრიტანელ მსახიობს ბევრი გახმაურებული როლი აღარ მოურგია. მეტიც, შეიძლება ითქვას, რომ ძირითადად წარმოუდგენლად უცნაურ ფილმებში იღებს მონაწილეობს.

შეიძლება იკითხოთ, იმაზე უცნაურ ფილმში რანაირად შეიძლება ითამაშო, სადაც წერილები ბუებს დააქვთ, გაუგონარ შელოცვებს წარმოთქვამენ და ჯოხებით ერთმანეთს ერკინებიანო, მაგრამ თუნდაც 2016 წელს გამოსული Swiss Army Man-ის გახსენებაც კი კმარა, რომელიც ერთდროულადაა კომედია, დრამა და ფენტეზი და ეს საეჭვო ჟანრული მრავალფეროვნება კიდევ უფრო უცნაური სიუჟეტით გვირგვინდება.

კადრი ფილმიდან Swiss Army Man

ფოტო: A24

სულ ცოტა ხნის წინ კი 30 წლის დენიელ რედკლიფმა კიდევ ერთ ახალ პროექტში მიიღო მონაწილეობა, რომელშიც კიდევ უფრო უჩვეულო ამბები ხდება.

ამის დასადასტურებლად მარტო ეს კადრიც კმარა, რომელიც რამდენიმე თვის წინ გავრცელდა და სოციალურ ქსელებში გავირუსდა.

გადასაღები მოედნიდან გავრცელებული ამ კადრის შემდეგ უკვე მთლიანად ფილმის ტრეილერი შეგიძლიათ ნახოთ და დარწმუნდეთ, რომ არა მხოლოდ დენეილ რედკლიფი გამოიყურება იმ კონკრეტულ კადრში უცნაურად, არამედ მთელი ფილმი მოულოდნელობებითაა სავსე.

Guns Akimbo-ს პრემიერა 28 თებერვალსაა დაგეგმილი.