როგორც წესი, როცა ახალაშენებულ კომპლექსზე ვფიქრობთ, ორი ვერსია მოგვდის თავში: ცენტრისგან მოშორებით და სიმწვანეში, ან არც ისე გამწვანებულ გარემოში, მაგრამ ცენტრში.

ანაგი დეველოპმენტის ახალი საცხოვრებელი კომპლექსი კი მესამე ტიპის პროექტია: ცენტრში და სიმწვანეში.

ანაგი დეველოპმენტის პირველი საცხოვრებელი კომპლექსი Park Home ვაკეში, ჭავჭავაძის გამზირიდან 200 მეტრის დაშორებით შენდება და მას ყველაზე დიდი, საკუთარი 8 000 კვ.მ სარეკრეაციო სივრცე ექნება. Park Home ყველა იმ პუნქტს აერთიანებს, რაც სხვადასხვა პროექტში გაბნეული ხშირად გვინახავს, თუმცა ერთად - იშვიათად: ინფრასტრუქტურა მოიცავს გამწვანებულ ტერასებს, საბავშვო და სპორტულ მოედნებს, 25-მეტრიან აუზს, ფიტნეს დარბაზს, პარკინგსა და ლობის კონსიერჟის მომსახურებით.

პროექტის კონცეფცია ტრადიციული და თანამედროვე არქიტექტურის გათვალისწინებით შეიქმნა, რაც ქალაქის ცენტრში მშვიდი და ამავდროულად აქტიური ცხოვრებისთვის ყველა პირობას ქმნის.

"30-წლიანი გამოცდილება გვაძლევს უფლებას, თამამად განვაცხადოთ, რომ ვიცით, როგორი უნდა იყოს იდეალური სახლი" - აცხადებენ ანაგში.

ანაგი უკვე ათეულობით წელია, სამშენებლო სექტორის ლიდერია და მის მიერ აშენებული პროექტები თბილისის თითქმის ყველა უბანში შეგხვდებათ. კომპანიას მომსახურების სრული პაკეტი აქვს - საპროექტო სამუშაოებით დაწყებული, ობიექტის ექსპლუატაციაში ჩაბარებით დასრულებული.

ანაგის წარმატებულ მუშაობას 150-ზე მეტი ადგილობრივი თუ უცხოელი პარტნიორი განსაზღვრავს, რომელთა შორის საქართველოს ბანკიცაა. ბანკში ამბობენ, რომ მსგავსი გამოცდილების კომპანიის ასეთი ამბიციური პროექტით გამოჩენას მხოლოდ მიესალმებიან: "მზად ვართ, მხარი დავუჭიროთ როგორც ფინანსური, ასევე არაფინანსური კუთხით ნებისმიერ წამოწყებას თუ პროექტს, რომელიც ხელს შეუწყობს სამშენებლო სექტორის განვითარებას, ტურიზმის მიმართულებას. აღსანიშნავია, რომ ქვეყნის ეკონომიკური განვითარებისთვის ძალიან მნიშვნელოვანია კერძო სექტორი და მოხარული ვართ, რომ ანაგის მნიშვნელოვანი ჩართულობით სექტორი კიდევ უფრო ვითარდება".

5 რამ, რაც ამ პროექტის შესახებ უნდა იცოდეთ

1. Park Home-ში ბინები ბარდება კომფორტ სტანდარტ+ კონდიციით, რაც გულისხმობს კოსმეტიკურ რემონტამდე მიყვანილ მდგომარეობას ჭკვიანი სახლის ელემენტებით

2. კომპლექსის წინ მდებარე 2 ჰექტარ მიწის ფართობზე გაშენდება პარკი

3. გათვალისწინებულია დაცული შიდა ეზო, სადაც არ დაიშვება მანქანები

4. Park Home 3 დამოუკიდებელ, 10-სართულიანი საცხოვრებელ შენობას გააერთიანებს.

5. ენერგოეფექტური კომპლექსის მშენებლობა 2021 წლის დეკემბერში დასრულდება.