საერთაშორისო ციფრული სამიტი Touch-ის მეოთხე სეზონის დამსწრეებს სხვადასხვა კომპონენტებით გამდიდრებული ღონისძიება დახვდებათ.

გარდა სპიკერების საინტერესო გამოსვლებისა, რაც ტიპური ღონისძიებების მახასიათებელია, Touch-ზე, რუსთაველის თეატრში, 3 სართულზე გადანაწილებული სხვადასხვა, არაორდინალური აქტივობები იგეგმება.

თეატრის პირველ სართული კრეატიულ და ინოვაციურ სცენას ეთმობა. აქ სპიკერები მსოფლიოს წამყვანი კომპანიებიდან ისაუბრებენ საჭირო და აქტუალურ თემებზე, გაიმართება პანელური დისკუსიები და მასტერკლასები.

სცენა ძირითადად შემდეგ თემებს დაეთმობა: კონტენტის შექმნა, ფროდაქშენი, ტექნოლოგიური ბიზნესის მშენებლობა, მეწარმეობა, ეკოსისტემების მშენებლობა. ასევე, განხილული იქნება რეალური ქეისები, რომლებიც მონაცემთა კომერციალიზაციას და მანქანური სწავლების ტექნოლოგიებს შეეხება, ფინტექს და ციფრულ ბანკინგს, ასევე, საწარმოს გაციფრულების მეთოდებსა და ხელსაწყოებს.

მოცემული სივრცე ასევე იდეალური იქნება პოტენციურ მომხმარებლებთან და პარტნიორებთან პირისპირ შეხვედრებისთვის.

მეორე სართული რამდენიმე სხვადასხვა დანიშნულების სივრცეს მოიცავს: Venture Stage, ვორქშოფის სივრცეს, სტარტაპ-ექსპოს, დიზაინ ლაბორატორიას, პარტნიორების ექსპოს და მცირე კვების კორტს.

სცენაზე სტარტაპები პრეზენტაციებში შეეჯიბრებიან (Pitching Competition) და გამოვლინდება გამარჯვებული; მოცემული სივრცის ვიზიტორებს შესაძლებლობა ექნებათ ასევე დაესწრონ პანელურ დისკუსიებს, დასვან შეკითხვები, მიიღონ პასუხები და პირისპირ გაესაუბრონ სპიკერებს.

ვორქშოფები ოქტომბრის დასაწყისში დაანონსდება პერიოდულად და მსურველებს წინასწარი რეგისტრაციით შეეძლებათ დასწრება.

ეს 2-3 საათიანი პრაქტიკული კურსები, რომელთაც მოწვეული სპიკერები ჩაატარებენ, განკუთვნილია დეველოპერებისთვის, დიზაინერებისთვის, ბიზნესის მფლობელებისთვისა და სტუდენტებისთვის.

სტარტაპ-ექსპოზე წარმოდგენილი იქნება 50 შერჩეული სტარტაპი და მათი პროდუქცია.

დიზაინ ლაბორატორია-ღონიძიების კიდევ ერთი საინტერესო და მნიშვნელოვანი ნაწილია; ეს არის სივრცე ცნობილი ქართული კრეატიული და ციფრული სააგენტოებისთვის, რომლებიც უფასო საცდელ მომსახურებას შესთავაზებენ დამსწრეებს (ლოგოს დიზაინი, ახალი პროექტის ბრენდინგი, კონტენტის გეგმა, მარკეტინგული სტრატეგია). მსურველებს საშუალება ექნებათ მიიღონ მათთვის საჭირო მომსახურების მონახაზი და მოწონების შემთხვევაში გაცვალონ კონტაქტები შემდგომში სრული მომსახურების მისაღებად და შეკვეთის განსათავსებლად.

და ბოლოს, -1 სართული მიწისქვეშა ლაუნჯი, სადაც განთავსებული იქნება კვების ობიექტი და პერსონალური შეხვედრების სივრცე.

ძირითადი პროგრამის პარალელურად იგეგმება შემდეგი სახალისო აქტივობები:
29 ოქტომბერს, უცხოელი ვიზიტორებისთვის თბილისის ტური მოძრავი Welcome Bar-ით, 30 ოქტომბრის საღამოს - კრეატიული პროგრამა და 31 ოქტომბერს, ღონისძიების შემდგომ ჰელოუინის წვეულება, სადაც საუკეთესო კოსტიუმი გამოვლინდება.

1-3 ნოემბერს კი Touch-ის პარტნიორებისთვის, სპიკერებისთვის და Special Guest პაკეტის მფლობელთათვის იგეგმება სამდღიანი ტური ყაზბეგში, უფრო სიღრმისეული ნეთვორქინგისა და განტვირთვისთვის.

რებეკა როსი, NASA-ს წარმომადგენელი ციფრული სამიტი Touch-ის სპიკერი იქნება

საერთაშორისო ციფრული სამიტი Touch-ის ერთ-ერთი სპიკერი NASA-ს სოციალური მედიის სპეციალისტი და ფოტომასალის კოორდინატორი, რებეკა როსი იქნება.

რებეკა ისაუბრებს, თუ როგორ იყენებს NASA ფოტომასალებს ისტორიების მოსათხრობად და სოციალური მედიის მართვის თანამედროვე ტენდენციებს გაგვაცნობს.

თავისი კარიერის განმავლობაში რებეკა ქვეცნობიერად ემზადებოდა ამჟამინდელი პოზიციისთვის. მან როჩესტერის ტექნოლოგიურ ინსტიტუტში დოკუმენტარული ფოტოგრაფია შეისწავლა. კარიერის საწყის ეტაპზე კი ფოტოჟურნალისტად მუშაობდა, შემდგომ კი სხვადასხვა ცნობილი გამოცემის ფოტორედაქტორად.

NASA-ს ერთ-ერთი მოვალეობაა, გააზიაროს და საზოგადოებას გააცნოს თავისი კვლევები და აღმოჩენები და მოიცვას რაც შეიძლება დიდი აუდიტორია. სწორედ რებეკა როსმა შექმნა NASA-ს ინსტაგრამ გვერდი, ტვიტერი და დატვირთა ფლიკერის საიტი. მისმა მიდგომებმა გაამართლა და NASA-ს სოციალური მედიის გუნდმა Shorty Award ჯილდო მოიპოვა 2014 წელს, რაც წარმოდგენისთვის ოსკარის მიღების ტოლფასია.

ლისანდრე ფოლეტი, Nike-ის წარმომადგენელი ციფრული სამიტი Touch-ის სპიკერი იქნება

საერთაშორისო ციფრული სამიტი Touch-ის ერთ-ერთი სპიკერი Nike-ის ინოვაციური განყოფილების ინდუსტრიული დიზაინის დირექტორი, ლისანდრე ფოლეტი იქნება.
ის მანქანურ სწავლებასა და დიზაინის თანამედროვე მიმართულებებზე ისაუბრებს: თუ როგორ შეგვიძლია გამოვიყენოთ ალგორითმები და მანქანური სწავლება ადამიანის კრეატიულობის გასაძლიერებლად.

ლისანდრე მოწინავე მულტიდისციპლინარული კრეატივების გუნდს ხელმძღვანელობს, რომელთა მიზანია ფუნდამენტური ცვლილებები განახორციელონ Nike-ის ინოვაციურ დეპარტამენტში. ისინი ქმნიან თანამედროვე მოდელებს დიზაინის, ციფრული ხელოვნებისა და მეცნიერების ერთობლიობით.

“A new tool doesn't just make something easier. It allows for new previously impossible way of thinking, of living, of being”.

ლისანდრე ტექნოლოგიური სიახლეებისა და ინოვაციური ინსტუმენტების დანიშნულებას აზროვნებისა და ყოფა-ცხოვრების აქამდე წარმოუდგენელი გზების რეალიზაციაში ხედავს.

Touch - ყველა[ს] ეხება

Touch-ის ინტელექტუალური პლატფორმა თავისი მრავალფეროვანი და აქტუალური თემატიკით, მსოფლიოს წამყვანი კომპანიების სპიკერებითა და სხვადასხვა ტიპის აქტივობებით გათვლილია ყველასთვის, ვისაც თანამედროვე სამყაროში კარიერული წინსვლა და განვითარება სურს. Touch-ს გააჩნია სამოტივაციო, ინფორმატიული თუ ფრაქტიკული დატვირთვა და ამასთანავე გათვლილია ნეთვორქინგისა და განტვირთვისთვის.

Touch იდეალური სივრცეა სტარტაპებისთვის მათი პროდუქციის ფართო აუდიტორიისთვის წარსადგენად, ინვესტორებისა და პარტნიორების მოსაძიებლად.

ბილეთების შესაძენად გადადით ბმულზე: https://touch.ge/tickets
30-31 ოქტომბერი, რუსთაველის თეატრი