სტატია, შესაძლოა, შეიცავდეს სპოილერებს ფილმებიდან მერი პოპინსის დაბრუნება და IT - ნაწილი მეორე.

ერთი შეხედვით, სრულიად აბსურდულად შეიძლება მოგეჩვენოთ ორი ისეთი პერსონაჟის ერთად ხსენებაც კი, როგორებიც მერი პოპინსივით ჯადოსნური, მზრუნველი და კეთილი ძიძა და პენივაიზივით შემზარავი ურჩხული არიან. თუმცა, სამყაროში შეშლილ თეორიებს რა გამოლევს, მათ შორის ერთი ახალი მოსაზრების მიხედვით, ისინი მეტისმეტადაც ჰგვანან ერთმანეთს.

სიტყვაზე თუ არ გვენდობით, აი, თავად ნახეთ:

1. ისტორიის დასრულების შემდეგ, ორივე მათგანი თითქმის ერთნაირი დროის შუალედით ბრუნდება უკან: მერი პოპინსი 25, პენივაიზი კი 27 წლის შემდეგ

ფოტო: Disney, Warner Bros.

თქვენთვის რომელი უფრო სასურველი სტუმარია?

2. ორივე მათგანი განახლებული ძალებით იწყებს ბავშვების ახალ ჯგუფთან ურთიერთობას

მართალია, მიზნები სხვადასხვა აქვთ, მაგრამ...

3. მათ არც ის ზრდასრულები ავიწყდებათ, რომლებთანაც ბავშვობაში "მეგობრობდნენ"...

ფოტო: Disney, Warner Bros.

მიუხედავად იმისა, უხარიათ თუ არა მათ ეს...

4. ბავშვებს შორის ორივეს განსაკუთრებული დამოკიდებულება აქვთ ბიჭის მიმართ, რომელსაც ორივე ფილმში ჯორჯი ჰქვია

საერთო ბავშვობის ტრავმა?!

5. თანაც, ორივე მათგანს ქაღალდის სათამაშოები იტაცებს!

ფოტო: Disney, Warner Bros.

6. ორივე მათგანს აქვს ძალა, რომ ბავშვების ფანტაზიები გააცოცხლოს

კი, მერი პოპინს უფრო ხალისიანი წარმოდგენები უყვარს, პენივაიზს კი ბავშვების შიშებით თამაში იტაცებს.

7. რატომღაც, ორივე ისტორიაში გასაჭირში მყოფი ბავშვების მშობლებს წარმოდგენაც არ აქვთ რა ემუქრებათ მათ შვილებს

ფოტო: Disney, Warner Bros.

ერთხელ მაინც თუ უკითხავთ, სად არიან ბავშვები?

8. ორივე შემთხვევაში უკვე ზრდასრულ პერსონაჟებს დავიწყებული აქვთ რა გადაიტანეს ბავშვობაში

ფოტო: Disney, Warner Bros.

სანამ მათ პენივაიზი და მერი პოპინსი კიდევ ერთხელ არ შეახსენებენ თავს...

9. მერი პოპინსსა და პენივაიზს განსაკუთრებით ხიბლავთ სიმღერა და ცეკვა...

როგორ ფიქრობთ, რომელიმე მათგანი შეძლებდა სატელევიზიო კონკურსში თავისი ტალანტით გამარჯვებას?

10. და ბოლოს: როცა ფილმი მერი პოპინსის დაბრუნება დასასრულს უახლოვდება, ყველა პერსონაჟი ცაში ბუშტებით მიფრინავს. და აბა გამოიცანით, ვის უყვარს კიდევ ბუშტებით ფრენა?

ფოტო: Disney, Warner Bros.

ალბათ, უკვე თქვენც დაეჭვდით, რომ ამ ერთი შეხედვით სრულიად სხვადასხვა ბუნების გმირებს ბევრი საერთო აქვთ. ვინ იცის, კიდევ რა იმალება ამ წარმოუდგენელი მსგავსების მიღმა...

ფოტო: Public Domain