პარლამენტში შესული პარტია, რომელსაც არჩევნებზე წარდგენილი სიის ყოველ სამეულში ერთი კანდიდატი განსხვავებული სქესის ეყოლება, 30-პროცენტიან დანამატს ისევ მიიღებს. ამის შესახებ საქართველოს პარლამენტის თავმჯდომარემ, არჩილ თალაკვაძემ საარჩევნო კოდექსში შემავალი ცვლილებების პრეზენტაციისას განაცხადა.

ის ფიქრობს, რომ პარტიების საერთო დაფინანსებაში 30-პროცენტიანი დანამატი სოლიდური ბონუსია.

არსებული კანონმდებლობით 30%-იან დანამატს იღებს პარტია, რომლის სიაშიც პირველ, მეორე და ყოველ მომდევნო ათეულში ერთიმეორისაგან განსხვავებული სქესის კანდიდატია წარმოდგენილი.

თალაკვაძის თქმით, უფასო საეთერო დრო სამართლიანად და თანაბრად განაწილდება.

"დაუშვებელი იქნება ერთი პარტიის მიერ საკუთარი დროის გადაცემა სხვა პარტიისთვის, სატელევიზიო დებატებში მონაწილეობა იქნება თანაბრად ხელმისაწვდომი", — განაცხადა თავმჯდომარემ.

მისივე თქმით, იცვლება პოლიტიკური პარტიების დაფინანსების წესიც. პარტია, რომელიც თუნდაც ერთ მანდატს მოიპოვებს პარლამენტში, დაფინანსებას მიიღებს არჩევნებში მოპოვებული ხმების შესაბამისად.

ამავე თემაზე: