Peaky Blinders-ის მეოთხე სეზონის დასასრულიდან 19 თვე გავიდა. მეხუთე სეზონის გადაღებები იანვარში დასრულდა. სერიალის შემქმნელის სტივენ ნაითის თქმით კი მეხუთე სეზონს მეექვსე და მეშვიდე მოჰყვება.

"ჩემი ამბიცია ყოველთვის იყო, რომ გადამეღო ოჯახის ისტორია, რომელიც ორ ომს შორის მოექცა. ყოველთვის მინდოდა ეს ამბავი საჰაერო დაბომბვის სირენების ფონზე დამემთავრებინა, რომელიც ბირმინგემში 1939 წელს იყო. ამ ყველაფერს კი კიდევ სამი სეზონი დასჭირდებოდა"

მეხუთე სეზონის მსოფლიო პრემიერა 2019 წლის 25 აგვისტოს შედგება.

სერიალში მოქმედება ბირმინგემში ხდება, სწორედ ამიტომ მსოფლიო პრემიერა ამ ქალაქში ხუთშაბათ საღამოს, სამთავრობო სახლში შედგა, სადაც წითელ ხალიჩაზე სერიალის ვარსკვლავებმა გაიარეს.

რა უნდა ვიცოდეთ მეხუთე სეზონის შესახებ?

მეხუთე სეზონში ბევრ ახალ პერსონაჟს შევხვდებით, როგორც ვიცით სემ ქლაფინი სერიალის მთავარი ანტაგონისტი გახდება, ის ფაშისტი პოლიტიკოსის ოსვალდ მოსლის როლს შეასულებს. სამსახიობო გუნდს ასევე ანა ტეილორ კლარკი შეუერთდება.

რაც შეეხება ძველ მსახიობებს, შეგიძლიათ შელბის მთელ ოჯახს ბედნიერად შეეგებოთ. ფინი რომელსაც ჰარი კირტონი ასრულებს საკუთარი უფროსი ძმის ადგილს დაიკავებს და მისი მნიშვნელობაც საგრძნობლად გაიზრდება.

აბერამა გოლდი და მისი ვაჟი ბონიც დაბრუნდება, თუმცა ტომ ჰარდის პერსონაჟს ალფი სოლომონს ეკრანზე ვეღარ ვიხილავთ.