რია-რია — ასე ქვია სავაჭრო ცენტრ გალერია თბილისში მდებარე ბავშვთა გასართობ ცენტრს. ცენტრში შესვლისთანავე მიხვდებით, რომ სახელი ზუსტად შეესაბამება ამ ადგილს.

რია-რია ორ სართულზეა განთავსებული და ორ განსხვავებულ კონცეფციას აერთიანებს. მე-3 სართულზე ჯუნგლების თემატიკა იპყრობს ყურადღებას და ეს სივრცე შედარებით პატარა — 2-დან 7 წლამდე ბავშვებისთვისაა განკუთვნილი. აქ დაგხვდებათ ბატუტი, სასრიალო, ბურთების აუზი, საცოცი კედელი და სხვა საბავშვო ატრაქციონები. კოსმოსური სივრცე მოზრდილ ბავშვებზეა გათვლილი. ავტოდრომი, ვირტუალური რეალობა, კალათბურთი, ბილეთების მონსტრი, მაგიდის ფეხბურთი და ჰოკეი, ეს იმ გასართობი ზონების არასრული ჩამონათვალია, რაც გალერია თბილისის მე-4 სართულზეა განთავსებული.

ატრაქციონების ფასები 2-დან 8 ლარამდე მერყეობს. ბავშვის ასაკის მიხედვით რია-რიაში შექმნილია სპეციალური პაკეტური შეთავაზებები, რომლის გამოყენების შემთხვევაში მომხმარებელი 70%-მდე ფასდაკლებას იღებს. ყოველ ხუთშაბათს ცენტრში 30%-იანი ფასდაკლება მოქმედებს.

გასართობი ზონის გარდა რია-რიაში ფუნქციონირებს დაბადების დღის ცენტრი, რომელიც 3 სხვადასხვა პაკეტს გთავაზობთ - მარსი, იუპიტერი და მერკური. პაკეტების ფასი ერთ ბავშვზე 25-დან 45 ლარამდეა.