პარლამენტთან მიმდინარე ჰომოფობიურ აქციაზე რუსეთთან დიალოგს მოითხოვენ. მართლმადიდებელ მშობელთა კავშირის წევრი, მამა დავით ისაკაძე ამბობს, რომ "ღირსეული ქართველი კაცები" უნდა წავიდნენ რუსეთში და აფხაზეთსა და სამაჩაბლოზე ილაპარაკონ. მისი თქმით, ეს პრობლემას მოაგვარებს.

გარდა პრორუსული მოწოდებებისა, აქციაზე ისმის ანტიდასავლური მოწოდებებიც. აქციის მონაწილეები ტრადიციულად ევროპას გარყვნილებას ადარებენ, ამერიკას კი პროპაგანდია გამტარად წარმოაჩენენ.

აქციაზე თქვეს ისიც, რომ რეალური რუსული ნარატივის გამტარი არასამთავრობო სექტორია, თავად კი ნამდვილ ევროპულ ღირებულებება იცავენ.

"ევროპა ქრისტიანულ საწყისებზე შეიქმნა", — ამბობენ ისინი.

დღეს, 8 ივლისს #სირცხვილია-ს მე-19 დღეს პარლამენტთან ჰომოფობიური ჯგუფის წარმომადგენელები შეიკრიბნენ და აქციის გამართვა დაიწყეს.