ექს-პრეზიდენტმა სააკაშვილმა და პარტია ახალი ძალების მოძრაობის ლიდერმა, მიხეილ სააკაშვილმა უკრაინის საპარლამენტო არჩევნებისთის სია წარადგინა. Unian-ის ინფორმაციით, ოდესის ყოფილმა გუბერნატორმა ამ სიას "სააკაშვილის ასეული" უწოდა.

"ეს საუკეთესო სიაა უკრაინულ პოლიტიკაში... აქ არიან ადამიანები, რომელთაც კორუფციასთან და იმ სისტემასთან ბრძოლის გამოცდილება აქვთ, რომლის მოშორებაც გვინდა", — განაცხადა სააკაშვილმა.

სააკაშვილმა სიის მხოლოდ ნაწილი დაასახელა. რადას ვადამდელ არჩევნებზე დეპუტატობისთვის იბრძოლებენ პარლამენტის ყოფილი დეპუტატი ოლეს დონი, ეროვნული პოლიციის თავმჯდომარის ყოფილი მოადგილე კონსტანტინ ბუშუევი, ხარკოვის ოლქის დეპუტატი, დიმიტრი ბულახი, კიევის საბჭოს ყოფილი დეპუტატი ელენა ტერეშენკო, ახალი ძალების მოძრაობის წევრი დავით საყვარელიძე და ა.შ.

მიხეილ სააკაშვილი კიევში 28 მაისს მას შემდეგ დაბრუნდა, რაც პრეზიდენტმა, ვოლოდიმირ ზელენსკიმ მოქალაქეობა დაუბრუნა. სააკაშვილმა უარი თქვა კიევის მერის, ვიტალი კლიჩკოს პარტიის თავმჯდომარე გამხდარიყო და განაცხადა, რომ მისი პარტია არჩევნებში დამოუკიდებლად მიიღებს მონაწილეობას.