ცენტრალური საარჩევნო კომისიის ინფორმაციით, დღეს, 9 ივნისს მთაწმინდის მაჟორიტარულ ოლქში შუალედურ არჩევნებზე ამომრჩეველთა აქტივობა 12 საათის მონაცემებით 13,2 პროცენტია. ცესკოს ცნობით, ეს რაოდენობრივად 5 814 ამომრჩეველია. იმავე დროის მონაცემებით, პირველი ტურის დროს ამომრჩეველთა აქტივობა 10,4 პროცენტი იყო.

მთაწმინდის საარჩევნო ოლქში მეორე ტური ლადო კახაძესა და შალვა შავგულიძეს შორის იმართება. პირველ ტურში ქართული ოცნების კანდიდატმა, ვლადიმერ კახაძემ ხმების 41 პროცენტი (6 036 ხმა) მიიღო, მისმა კონკურენტმა თავისუფალი დემოკრატებისა და ევროპული საქართველოს საერთო კანდიდატმა, შალვა შავგულიძემ — 36,83% (5 422 ხმა).