ჩვენი მკითხველების უმრავლესობა ალბათ ვერასდროს წარმოიდგენდა, რომ ოდესმე ტეილორ სვიფტისა და მერილინ მენსონის საერთო ფოტოს ნახავდა.

ტეილორ სვიფტი ამერიკელი პოპ-მომღერალია, რომელმაც 2006 წლიდან მოყოლებული დღემდე მსმენელს თავისი ემოციური სიმღერის ტექსტებითა და სევდიანი, ან მხიარული ვიდეოკლიპებით აყვარებს თავს. მერილინ მენსონი კი ასევე ცნობილი ამერიკელი მუსიკოსია, რომელიც სახელგანთქმულია თავისი სასცენო იმიჯითა და სკანდალური შინაარსის მუსიკალური ნამუშევრებით — მოკლედ, გარდა იმისა, რომ ერთიც და მეორეც შოუ-ბიზნესში ტრიალებს, საერთო თითქმის არაფერი აქვთ.

თუმცა, ყველაფერი მაშინ შეიცვალა, როცა ვარსკვლავებმა Wango-Tango-ს კონცერტზე ერთად მოიყარეს თავი და სამახსოვროდ საერთო ფოტოებიც გადაიღეს.

ეს კადრები ინტერნეტში გავირუსდა:

ტეილორისა და მერილინ მენსონის საერთო ფოტომ ადამიანებში იმხელა გაკვირვება და აღფრთოვანება გამოიწვია, რომ ტვიტერზე რეაქციების მთელი სერიაც გამოჩნდა.

ტვიტერის რეაქციები:

"ვერასდროს ვიფიქრებდი, რომ ოდესმე ტეილორ სვიფტსა და მერილინ მენსონს ერთ ფოტოზე ვნახავდი. თუმცა, ეს დღეც დადგა"

"ტეილორი და მერილინი რომ მეზობლები ყოფილიყვნენ"

"ჩემი პიროვნების ორი სხვადასხვა მხარე"

"არასდროს მიფიქრია, რომ ტეილორისა და მერილინის შეხვედრა ასე გამახარებდა"

აღსანიშნავია, რომ ტეილორ სვიფტი Wango-Tango-ს კონცერტზე სიტყვით გამოვიდა და ლგბტ ადამიანებს მხარდაჭერაც გამოუცხადა.