ბერლინის პოლიციის ინფორმაციით, მამისგან ფულის გამოძალვის მიზნით 13 წლის გოგომ თავისი გატაცება გაითამაშა. როგორც Deutsche Welle წერს, 27 აპრილს პოლიციამ დაკარგული გოგოს სამძებრო სამუშაოები დაიწყო, თუმცა ღამით ის 18 წლის ბიჭთან ერთად იპოვეს.

არასრულწლოვნის მამამ პოლიციას შვილის დაკარგვის შესახებ მას შემდეგ შეატყობინა, რაც გამოსასყიდის შესახებ მუქარა მიიღო. სამართალდამცავების მტკიცებით, გოგომ თავის მეგობარ ბიჭთან ერთად გატაცება კარგად დაგეგმა.

DW-ის ინფორმაციით, არასრულწლოვანი სოციალური დაცვის სამსახურში გადაიყვანეს, ხოლო 18 წლის ბიჭს გამოძალვისა და დანაშაულის ფალსიფიკაციის ბრალდება წაუყენეს.