ლეგენდარული ფრანგი რეჟისორი, ჟან-ლუკ გოდარი ახალ ფილმს იღებს. როგორც რეჟისორი ამბობს, მისი ახალი სურათი ყვითელი ჟილეტების მოძრაობის შესახებ იქნება.

"ფილმი მოგვითხრობს ყვითელი ჟილეტების მოძრაობის წევრ ქალზე, რომელიც შეყვარებულს შორდება", - ამბობს გოდარი.

რეჟისორი ამბობს, რომ ფილმში გამოყენებული იქნება დოკუმენტური მასალაც.

"ფილმი აგებული იქნება როგორც რეალური კადრებით, ასევე დოკუმენტური მასალით. გადაღებებს მალე დავიწყებ, თუ სათანადო მსახიობებს მოვძებნი", - ამბობს გოდარი.

ყვითელი ჟილეტების საპროტესტო მოძრაობა საფრანგეთში 2018 წლის ნოემბერში დაიწყო. პროტესტის მიზეზი საწვავის ფასის მატება, საარსებო მინიმუმის ზრდა და არაპროპორციული საგადასახადო რეფორმა გახდა.