ქართული ოცნების ვაკის მაჟორიტარობის კანდიდატი, ბიძინა გეგიძე ქრონიკის ჟურნალისტის შეკითხვას, დღეს 26 მაისის საქმესთან დაკავშირებით პროკურატურის მიერ ახალი ვიდეომასალის გავრცელება, ხომ არ იყო წინასაარჩევნო პოლიტიკური ხრიკი, როგორც ამას მისი ოპონენტები მიიჩნევენ, უპასუხა:

"ადამიანებმა, რომლებმაც მოაწყვეს 26 მაისი და ახლა ჭკუას არიგებენ, რომ ეს იყო მანიპულაცია და იყო წინასაარჩევნოდ მომზადებული მასალა, ეს უბრალოდ ვერავითარ კრიტიკას ვერ უძლებს. ამ ადამიანებს არ აქვთ ის ნდობა და ის დამსახურებები, რომ მსგავსი შეფასებები გააკეთონ".

დღეს მთავარმა პროკურატურამ საგანგებო ბრიფინგი გამართა და განაცხადა, რომ 2011 წლის 26 მაისს მომიტინგეთა დარბევისა და მომიტინგეთა მასობრივი დაკავებების ფაქტზე, ბრალდებულად ცნეს კუდის ყოფილი უფროსი დავით ახალაია, მისი მოადგილე ვასილ ლილუაშვილი, ამავე დეპარტამენტის თბილისის სამმართველოს უფროსი რევაზ შიუკაშვილი და მეორე სამმართველოს უფროსი ლევან ქარდავა.