ინსტაგრამზე სულ რაღაც სამი თვის წინ დარეგისტრირებული მიშელ პფაიფერი სოციალურ ქსელს ნელ-ნელა უწყობს ფეხს.

60 წლის ლეგენდარული მსახიობის მისასალმებელი პოსტი ინსტაგრამზე იდეალური იყო. ის თავის ფანებს ქალი-კატას ვიდეოთი მიესალმა და როგორც ჩანს, ამ ტენდენციის გაგრძელებას აპირებს.

ჯერ კიდევ 22 მარტს, ოსკარის ნომინანტმა მსახიობმა ფანებს ამცნო, რომ საკუჭნაოში ბეტმენის გადასაღები მოედნიდან "მოპარული" მათრახი აღმოაჩინა.

ცოტა ხნის წინ კი, ბეტმენში შესრულებული საკულტო როლი კიდევ ერთხელ გაიხსენა.

სავარაუდოდ, ლეგენდარულ მსახიობს სურს დაგვარწმუნოს, რომ ამ როლს ისე იდეალურად ვერავინ მოირგებს, როგორც მან შეძლო და არც ტყუის. მიშელ პფაიფერის განსახიერებული ქალი-კატა დღემდე რჩება საუკეთესოდ.