ჰოლივუდის ორი ვარსკვლავი ოქტავია სპენსერი და მელისა მაკარტი ნეტფლიქსის ახალ ფილმში სუპერგმირების როლს მოირგებენ.

მოლაპარაკებები მსახიობებთან თითქმის დასრულებულია და ახლა მხოლოდ კონტრაქტზე მათი ხელმოწერაღა დარჩა.

საუბარია Thunder Force-ზე, რომელსაც ბენ ფალკონი გადაიღებს.

ამ ეტაპზე ფილმთან დაკავშირებით ყველა სხვა დეტალი გასაიდუმლოებულია. თუმცა, წინასწარი ინფორმაციით, სიუჟეტი ორი მარტოსული ქალის გარშემო ვითარდება, რომლებიც თავისგან დამოუკიდებლად სუპერძალებს მიიღებენ და მოუწევთ დაიწყონ დიდი ბრძოლა იმ ადამიანებთან, რომლებიც სამყაროს განადგურებით ემუქრებიან.