რამდენიმე კვირის წინ ცნობილი გახდა, რომ ჯონ კრასინსკი გასული წლის ერთ-ერთი ყველაზე წარმატებული საშინელებათა ფილმის A Quiet Place-ის მეორე ნაწილის გადაღებას გეგმავს.

ცნობილია ისიც, რომ კინოსურათი მეორე ნაწილით 2020 წლის მაისში დაბრუნდება და მასში კვლავ ვიხილავთ მთავარი როლის შემსრულებელ ემილი ბლანტს.

ცოტა ხნის წინ კი გავრცელდა ინფორმაცია, რომ Peaky Blinders-ის ვარსკვლავი კილიან მერფი საშინელებათა ჟანრის ფილმის სამსახიობო ანსამბლს შეუერთდა.

წინასწარი ინფორმაციით, მერფი ფილმში ემილი ბლანტის პერსონაჟთან ერთად იბრძოლებს მისტიური ქმნილებების წინააღმდეგ. ამ ეტაპზე სურათის სხვა დეტალები არ ხმაურდება.

რაც შეეხება A Quiet Place-ს, ფილმმა საერთო ჯამში $340 მილიონზე მეტი დააგროვა. გარდა ფინანსური წარმატებისა, კინოსურათი ნომინირებული იყო ოსკარზე, ოქროს გლობუსსა და ბაფტაზე.