ბორჯღალოსნები ტურნირის დასრულებამდე ერთი ტურით ადრე 2019 წლის რაგბის ევროპის ჩემპიონები გახდნენ. მატჩი საქართველო-გერმანია ანგარიშით 52-3 დასრულდა. ამის შესახებ რაგბის ეროვნული ფედერაცია ავრცელებს ინფორმაციას. დღეს, 10 მარტს ქუთაისის აია არენაზე რაგბი ევროპის ჩემპიონატის მეოთხე ტურის მატჩზე, გერმანიის ნაკრებს საქართველოს ნაკრებმა 8 ლელო დაუდო.

ტურნირის ფინალურ მატჩზე, რომელიც 17 მარტს კრასნოდარში გაიმართება, საქართველო რუსეთის ნაკრებს შეხვდება.