დღეს უსაყვარლეს ძაღლებზე მოგიყვებით, რომლებსაც ახლა კეთილი და მზრუნველი ადამიანების ყურადღება ისე სჭირდებათ, როგორც არასდროს.

საქმე ის არის, ცოტა ხნის წინ მუნიციპალურ თავშესაფარში რამდენიმე ცხოველი გადაიყვანეს, რომლებსაც კიდურების ტრამვები დ სხვადასხვა დაავადებები სჭირდათ.

მართალია, ექიმებმა მათ შესაბამისი სამედიცინო დახმარება დროულად აღმოუჩინეს, თუმცა, ქირურგიული ჩარევა მაინც გარდაუვალი აღმოჩნდა.

დიახ, სამწუხაროა, მაგრამ ძაღლებმა ერთი ფეხი დაკარგეს და ახლა მათი ბუნებრივ არეალში დაბრუნებაც საკმაოდ დიდ რისკებთანაა დაკავშირებული.

სწორედ ამიტომ, მუნიციპალური თავშესაფარი ამ სამფეხა ძაღლებისთვის მზრუნველ პატრონებს ეძებს.

ფოტო: ცხოველთა მონიტორინგის სააგენტო

ფოტო: ცხოველთა მონიტორინგის სააგენტო

"თავშესაფარში სამი სამფეხა ძაღლი გვყავდა, აქედან ერთი უკვე გაჩუქდა. თუმცა, ორი მათგანისთვის ჯერ კიდევ მოსაძებნია პატრონი, რომელიც მათზე მთელი გულით იზრუნებს და ეყვარება" — ამბობს ცხოველთა მონიტორინგის სამსახურის წარმომადგენელი, ნატა უზუნაშვილი On.ge-სთან საუბრისას.

ფოტო: ცხოველთა მონიტორინგის სააგენტო

ფოტო: ცხოველთა მონიტორინგის სააგენტო

დიდი იმედი გვაქვს, რომ აუცილებლად გამოჩნდებიან კეთილი ადამიანები, რომლებიც ამ საყვარელი ძაღლების ამბავს გულთან ახლოს მიიტანენ.

ცხოველების შესახებ დამატებით ინფორმაციას ნახვა კი ცხოველთა მონიტორინგის სააგენტოს საიტზეა შესაძლებელი.